Jambyl oblysynyń Polısııa departamenti Esirtki qylmysyna qarsy is-qımyl basqarmasynyń qyzmetkerleri jedel-izdestirý is-sharalaryn júrgizý kezinde Taraz qalasynyń avtobeketi aýmaǵynda Túrkistan oblysynyń 55 jastaǵy turǵynynyń basqarýyndaǵy Mazda kóligin toqtatqan. Atalǵan kóliktiń salonynan polıetılen paketke salynǵan jalpy salmaǵy 6 keli 655 gramm «keptirilgen marıhýana» esirtki zaty tabylyp, tárkilengen.
«Atalǵan derekke qatysty Qazaqstan Respýblıkasy Qylmystyq kodeksiniń 296-baby 4-bóligi (asa iri mólsherde esirtki zattaryn zańsyz saqtaý) boıynsha sotqa deıingi tergeý amaldary bastaldy. Osy qylmysty jasaǵany úshin úsh jyldan jeti jylǵa deıingi merzimge bas bostandyǵynan aıyrý jazasy qarastyrylǵan. Ustalǵan er adam óz kinásin moıyndap, Taraz qalasynyń ýaqytsha ustaý ızolıatoryna qamaqqa alyndy», dedi Jambyl oblysy PD Esirtki qylmysyna qarsy is-qımyl basqarmasynyń bastyǵy Asqar Jumabekov.
