Jas boksshylardyń sporttyq oıyndary 17-23 mamyrda ótti. Oǵan elimizdiń ár óńirinen 370 bylǵary sheberleri qatysyp, 13 salmaqta baq synady.
Jalpykomandalyq esepte qyzdar arasynda birinshi oryndy Almaty qalasynyń komandasy ıelendi. Túrkistan oblysynyń boksshylary ekinshi, al, qaraǵandylyq bylǵary qolǵap sheberleri úshinshi tuǵyrǵa kóterildi.
Uldar arasynda Shymkent qalasynyń boksshylary úzdik atandy. Jambyl oblysy men Almaty qalasynyń komandalary ekinshi jáne úshinshi oryndardy bólisti.
V jastar sporttyq oıyndarynyń jeńimpazdaryn Olımpıada chempıondary Baqtııar Artaev pen Sport jáne dene shynyqtyrý isteri komıtetiniń tóraǵasy Serik Sapıev marapattady.
«Elimizdiń ár óńirinde boksty damytýǵa erekshe kóńil bólinip otyr. Atyraýda da boksqa qyzyǵýshylyq óristep tur. Muny munaıly óńirde ótken osy saıystyń joǵary deńgeıde uıymdastyrylǵanynan baıqadyq. Osy saıysqa qatysqan jas bylǵary qolǵap sheberleriniń arasynan úmit kúttiretin sportshylar bar», dedi Serik Sapıev.
