Qutqarýshylardyń dıspetcherlik pýnktine 24 mamyr kúni tańǵy saǵat 5.40-ta Qurmanov kóshesindegi ǵımarattardyń biri órtenip jatqany týraly aqparat kelip túsken. Oqıǵa ornyna jedel jetken órt sóndirýshiler tilsiz jaýdyń betin qaıtaryp, qyzyl jalynnyń basqa da turǵyn úılerge ótip ketpeýin qamtamasyz etti.
Sondaı-aq qutqarýshylar ǵımarattan tórt gaz ballonyn shyǵaryp, jarylystyń aldyn alǵan. Zardap shekkender men qaza tapqandar joq.
Qazirgi tańda órttiń neden shyqqanyn jyljymaly zerthana mamandary anyqtap jatyr.
«О́rt taraǵan aýmaq – 495 sharshy metr. Tilsiz jaýmen kúresýge jeke quramnyń 40 qyzmetkeri men 9 birlik tehnıka tartyldy. Sondaı-aq jedel áreket etý qyzmetteriniń mamandary jumyldyryldy. О́rttiń basqa ǵımarattar men turǵyn úılerge taralýyna jol bermedik», dedi Almaty oblystyq Tótenshe jaǵdaılar departamentiniń órt sóndirý jáne apattyq qutqarý jumystary qyzmeti bastyǵynyń orynbasary Azamat Erjanuly.
