Partııa baspasóz qyzmeti taratqan aqparatqa sáıkes, jyl basynan beri azamattardyń ótinishteri negizinde 2 myńnan astam túrli reıd uıymdastyryldy.
Máselen, Almaty oblysynda partııalyq baqylaý óńirlik komıssııasy Panfılov aýdanyna qarasty Suptaı aýyly turǵyndarynyń shaǵymy boıynsha tekserý júrgizdi. Onda 200-ge jýyq oqýshy apatty jaǵdaıda turǵan burynǵy balabaqsha ǵımaratynda oqýǵa májbúr.
Tekserý barysynda 1998 jyly jylý júıesiniń joqtyǵynan mektep ǵımaraty jabylyp, 2011 jyly paıdalanýǵa jaramsyz dep tanylǵany anyqtaldy. Nurotandyqtar oblystyq bilim basqarmasyna osy jyldyń sońyna deıin jobalyq-smetalyq qujattamany ázirleýge jáne 2022 jyldyń sońyna deıin jańa mektep qurylysyn aıaqtaýǵa qarajat bólýdi usyndy. Bul másele partııanyń oblystyq fılıalynyń erekshe baqylaýynda.
Elordadaǵy turǵyn úı keshenderiniń birinde páter ıeleri qonys toıyn toılaı almaı otyr. О́ıtkeni qurylys salýshy áleýmettik osal otbasylar retinde ákimdikten «Nurly jer» baǵdarlamasy boıynsha berilgen páterlerine turǵyndardy kirgizbeıdi. Osy jaǵdaıǵa «Nur Otan»-nyń elordalyq fılıaly jedel nazar aýdardy. Partııalyq baqylaý komıssııasy qalalyq qurylys basqarmasyna máseleni qysqa merzimde sheshýdi usyndy. Bul rette azamattardyń ótinishterine ýaqytyly jaýap bermegeni úshin basqarma bastyǵy Arsen Janǵasqanov «eskertý» túrindegi partııalyq jaýapkershilikke tartyldy.
Semeı qalasynda qurylys salýshy men turǵyn úı alaptarynyń biriniń turǵyndary arasyndaǵy janjal retteldi. Munda sol aımaqtaǵy jalǵyz jolǵa saýda ortalyǵyn salý josparlanǵan. Bul turǵyndardyń óz úılerine kirip-shyǵýyn qıyndatady. О́ıtkeni olardyń úıleri barlyq jaǵynan temirjolmen qorshalǵan. Osy iske partııa aralasqannan keıin, qurylys salýshymen joldy jappaı, burynǵy qalpynda qaldyrý týraly kelisimge qol jetkizildi. Salynǵan qorshaýlar alynyp tastaldy.
Almatyda Álmerek shaǵyn aýdanynyń turǵyndary jergilikti kommýnaldyq qyzmettiń buryn asfalttalǵan joldy búldirip, jańa sý qubyryn salǵanyna shaǵymdandy. Aqyrynda qala turǵyndary sýsyz, jolsyz qalǵan. Tekserý qorytyndysy boıynsha nurotandyqtar 10 maýsymǵa deıin turǵyndardy sýmen qamtamasyz etýdi jáne joldy jóndeýdi usyndy. Bul másele partııanyń Almaty qalalyq fılıalynyń baqylaýynda.
