Onyń aıtýynsha, ýchaskelik pýnktterdiń ornalasýyna erekshe nazar aýdarylatyn bolady. Qazir qalalyq ýchaskelerdegi jumys oryndarynyń shamamen 30% qyzmet kórsetý ýchaskelerinen alys ornalasqan, keıde 2,5 km asady. Nátıjesinde azamattardyń kóbinese ýchaskelik ınspektorǵa jeke barý múmkindigi joq.
Sondyqtan ýchaskelik ınspektorlardyń ornalasqan jerlerin qyzmet kórsetiletin ýchaskelerge barynsha jaqyndatý máseleleri pysyqtalýda.
Qazaqstanda ýchaskelik ınspektorlar shtaty 5900 qyzmetkerden, sondaı-aq 600-den asa kómekshiden turady.
«Qajetti áleýmettik paketti qalyptastyrý kadrlyq quramnyń sapasyn arttyrýǵa jáne sybaılas jemqorlyq táýekelderin azaıtýǵa yqpal etedi, sáıkesinshe qyzmettiń tartymdylyǵy da artady. Úzdikterdi irikteý úshin úmitkerlerge qoıylatyn biliktilik talaptary, onyń ishinde bos jumys oryndaryna ornalasýǵa qoıylatyn talaptar artty. Sondyqtan 2019 jyly ýchaskelik ınspektorlardyń eńbekaqysy 25%-ǵa ósti. Aǵymdaǵy jyldyń basynan bastap olardyń kómekshileriniń jalaqysy 30%-ǵa kóbeıdi. Qazir ýchaskelik ınspektorlardyń eńbekaqysynyń mólsheri 177 myńnan 260 myń teńgege deıin. Sonymen qatar kelesi jyldan bastap ýchaskelik ınspektorlardyń eńbekaqysy taǵy 30%, al olardyń kómekshileriniń eńbekaqysy 7%-ǵa kóteriledi», dep atap ótti Baımuqashev óz sózinde.
Sonymen qatar, 2019 jyldyń shildesinen bastap ýchaskelik ınspektorlarǵa turǵyn úı jalǵa alǵany úshin ótemaqy tólenedi. Aǵymdaǵy jyldyń 1 qańtarynan bastap bul tizimge ýchaskelik kómekshiler de engizildi. 1 sáýirden bastap olar bul turǵyn úı tólemderin turǵyn úıdi satyp alý úshin tólemderdi bólip tóleý nemese ıpotekalyq nesıe berý arqyly paıdalana alady.
