Oqıǵa, búgin, 25 mamyr kúni saǵat 13.30 shamasynda qala ortasyndaǵy Esil ózeniniń boıynda boldy. Adam tyǵyz ornalasqan aýdan bolǵanyna qaramastan, eshkim sýdyń boıyndaǵy ózin ersi ustaǵan qyzǵa kóńil bólmegen. Boıjetken kútpegen jaǵdaıda sýǵa sekirip ketken. Qýanyshqa oraı, jaqyn mańda júrgen elordalyq ulandyqtar oqıǵany baıqap, tez arada qutqarýǵa kirisken.
Áskerı jasaq bastyǵy qatardaǵy Ilıa Mashenko jáne patrýlshiler qatardaǵy Artem Grıgorev pen Erık Kosıan ózen boıynda qyzmette júrip, qyzdyń sýǵa sekirgen sátin kórip qalǵan. Jaǵdaıdy baǵamdaǵan áskerı jasaq lezde qyzǵa kómektesip, qatardaǵy jaýynger Erık Kosıan sýǵa sekirip, boıjetkendi alyp shyǵady.
Jaǵdaıdy naqtylaı kelgende, 1995 jyly týǵan azamatsha psıhologta tirkeýde turǵany belgili boldy. Boıjetkenniń óz-ózine nelikten qol jumsaǵysy kelgeni belgisiz. Joǵary basshylyq tarapynan áskerı qyzmetshiler madaqtamaǵa usynyldy.
