«Birneshe apta buryn BTS kompanııasy Ashyq qosymshasyn Aitu-men ın-tegrasııalaýdy usynǵan bolatyn. Biz kelistik, sebebi mýltıplatformalyq qaǵıdany ustanamyz. Birinshiden, BTS – memleketpen jumys istegen kompanııa. Iаǵnı olar derekterdiń qaýipsizdigin qamtamasyz etý boıynsha jaýapkershilik týraly memorandýmǵa qol qoıǵan. Ekinshiden, Aitu da Ashyq sııaqty – jaı ǵana qural, onda PTR respýblıkalyq bazasyndaǵy málimetter saqtalmaıdy, tek qana qajetti aqparatty bir rettik kórsetilim úshin usynady», deıdi Sıfrlyq damý, ınnovasııalar jáne aeroǵarysh ónerkásibi vıse-mınıstri Áset Turysov.
Aitu platformasynda Ashyq qanatqaqty joba retinde jumys istep jatyr. Negizi resmı túrde iske qosylýy kerek. Biraq aldymen fýnksııalyq synaqtan ótýi kerek.
Aitu-daǵy Ashyq-ty qalaı qoldanamyz? Aitu qosymshasyn júktep, «Qosymshalar» bólimindegi «Ashyq» qosymshasyn engizip, telefonǵa ornatý kerek. Aitu qosymshasynda Ashyq fýnksıonaly burynǵy tártipte jumys isteıtin bolady. Iаǵnı fıtnes-ortalyqqa, áýejaı, kafe jáne taǵy basqa da qoǵamdyq oryndarǵa kirerde QR-dy paıdalanyp, mártebeńizdi anyqtaı alasyz.
Eger júıede mártebeńiz qyzyl túspen aıshyqtalsa, onda kirýge ruqsat joq; qoldanýshy PTR derekter bazasynda vırýs juqtyrǵan naýqaspen baılanysta bolǵan adam retinde kórsetilgendikten, keıbir oryndarǵa kirýge ruqsat joq.
Kók tús PTR anyqtamasyn kórsetý mindetti bolyp tabylatyn oryndarǵa ǵana kire almaısyz, basqa jerge kirýge ruqsat.
Al jasyl tús jansa, eshqandaı shekteý joq. Jaqyn ýaqytta vaksınanyń eki quramyn tolyq alǵan qazaqstandyqtyń bári osy «jasyl mártebege» ıe bolady.
Eger azamattyń smartfony bolmasa, mekeme qyzmetkeri onyń qandaı «túske» jatatynyn JSN-y arqyly teksere alady.
Aıtpaqshy, 21 mamyrdan bastap Almaty áýejaıynyń termınalyna da Ashyq júıesi arqyly kiretin bolasyz. Jaqyn kúnderi vokzaldarǵa da kirý úshin atalǵan júıe boıynsha tekserýden ótýge týra keledi.
