Aýdan basshylyǵynyń habarlaýynsha, qazir jaǵdaı turaqtaldy. Alaıda, aýrýdyń naqty sebebin anyqtaý úshin aýdanǵa respýblıkalyq jáne oblystyq komıssııa kelip, jumys júrgizýde. Naqtyraq aıtsaq, komıssııa quramynda respýblıkalyq epızotııaǵa qarsy memlekettik mekemesiniń dırektory S.Abdýlkalıkov, Aýylsharýashylyǵy mınıstrliginiń veterınarlyq baqylaý jáne qadaǵalaý komıtetiniń bıologııalyq qaýipsizdik basqarmasynyń bas sarapshysy M.Ahmetov, Ulttyq referenttik ortalyǵynyń mamany B. Kentbaev jáne oblystyq veterınarlyq ınspeksııasynyń bıologııalyq qaýipsizdik bóliminiń basshysy N. Ádilbekov jumys istep jatyr.
Komıssııa aýrý shyqqan eldi mekenderdegi ár úıdi aralap, jaǵdaımen tanysyp, maldan synama aldy. Ony respýblıkalyq saraptama ortalyqtaryna jiberedi. Mal shyǵynyna baılanysty mal aýrýynyń sebepteri tez arada anyqtalyp, qosymsha sharalar qobyldanady.
Buǵan deıin de aýrý maldan kúdikti degen aýrý túrlerine synamalar alynyp, zerthanalarǵa jiberilgen. Biraq, qortyndysy teris nátıje kórsetti.
Aýdan ákimi Serik Zaınýldın arnaıy komıssııamen birge Shiliktige baryp, turǵyndardan komıssııa qortyndysyn kútýlerin surady.
