ANKARA MERI ASTANADA

Astana men Ankara ınvestısııa­lyq jobalardy júzege asyrý salasyn keńeıte otyryp, ekijaqty saýda-ekonomıkalyq yntymaqtastyq qar­qy­nyn arttyrýǵa nıetti. Osy min­det­terdi júzege asyrýǵa degen múddelilik keshe elorda ákimdiginde ótken Astana qalasynyń ákimi Imanǵalı Tas­maǵam­betov pen Túrkııanyń astanasy Ankara qalasynyń meri Melıh Gok­chektiń kezdesýi barysynda sóz boldy. Kezdesýde sondaı-aq Qazaq­stannyń elordasynyń damý bary­sy­na basa nazar aýdaryldy. Astanany kóshirý búginde ekono­mıkalyq damýy men saıası turaqty­lyǵy úndesken jas táýelsiz memle­kettiń eń aýqymdy jobasy boldy. Sońǵy 11 jylda qalanyń aýmaǵy 2,5 esege ulǵaıyp, turǵyndar 3 esege ósip, 700 myń adamǵa jetse, óndirilgen jalpy ónim kólemi 50 esege artyp, 10 mıllıardtan astam dollardy quraǵan. О́nerkásiptik óndiris 8 esege deıin ósken. Ishki saýda aınalymy 30 esege ósip, 2008 jyldyń qorytyndysynda 10,5 mıllıard AQSh dollaryn qurady. Al endi Astana men Túrkııa ara­syndaǵy ishki saýda aınalymy 2010 jylǵy qańtar-aqpan aılarynda 14,4 mıllıon AQSh dollaryn qura­sa, onyń ishinde eksport – 4,6 mıl­lıon AQSh dollary, ımport 9,8 mıl­lıon AQSh dollary bolyp otyr. Elordalyq statıstıka basqarma­sy­nyń málimetine qaraǵanda 2009 jylǵy 1 qańtardaǵy jaǵdaı boıyn­sha Astana qalasynyń aýma­ǵynda eks­port-ımport operasııalary­­men aınalysatyn 153 túrkııalyq jáne 39 birlesken kásiporyn tirkelgen. Ábdirahman QYDYRBEK, ASTANA.