Brıfıngte Murat Ergeshbaev aýdan kóleminde atqarylyp jatqan jumystarǵa toqtalyp, qurylys, jol jóndeý, gazdandyrý baǵytyndaǵy aýqymdy jumystar bar ekenin erekshe aıtty.
Bıyl aýdandyq mańyzy bar 50 shaqyrym jol men eldi mekenishilik 30 kósheni jóndeýge 3,1 mlrd teńge qarjy bólindi. Qazir aýdan ortalyǵyndaǵy 2 kóshe, Aqtan batyr aýylynda 1 kóshe, Q.Pirimov aýylynda 1 kósheni asfalttaý jumystary aıaqtalyp, qabyldaý jumystary júrgizilýde.
Al Áıteke bı kentindegi Ábilqaıyr han jáne S.Muqanov kósheleri qaıta jańǵyrtylyp, Qarasaqal Erimbet burylysy, M.Mámetova, R.Baǵlanova kósheleri, Qazaly qalasyndaǵy 10 kósheni asfalttaý jumystary qarqyndy júrgizilýde.
Búginde Áıteke bı kenti men Ǵ.Muratbaev aýyly «kógildir otynǵa» qosylǵan. Endi aýdan ortalyǵyna jaqyn Jalańtós batyr, Qashaqbaı Pirimov jáne Basyqara aýyldaryn gazdandyrý úshin qarjy bólinip, jobasy ázirlenýde.
