«Meniń aǵam, aqyn, horeograf-lıbretıst, ssenarıst, úlken júrekti adam Dúısenbek Naqyp búgin, 26.05.2021 jyly ómirden ótti», dep jazdy aqynnyń jıeni Facebook-tegi paraqshasynda.
Dúısenbek Naqyp 1946 jyly Pavlodar oblysynda dúnıege kelgen.
1964 jyly Máskeý akademııalyq horeografııalyq ýchılıshesin bitirgen. Ataqty bıshi jáne pedagog Aleksandr Rýdenkonyń synybynda oqyǵan.
1985 jyly Almatydaǵy Kırov atyndaǵy QazMÝ-di bitirgen (qazirgi Ál-Farabı atyndaǵy QazUÝ).
Almaty opera jáne balet (1964-1967 jj.), Frýnze (1967-1968 jj.), Perm (1968-1969 jj.), Samarqand (1970-1972 jj.) jáne qaıta Almaty (1972-1985 jj.) teatrlarynda balet solısi boldy.
«Qazaqfılm» kınostýdııasynda bas redaktor bolyp istegen.
2010 jyly Qazaqstanda alǵashqy balalar «Er tóstik» balalar ertegisi jelisimen attas baletin qurdy. 1995 jyly Almatyda onyń alǵashqy óleń kitaby «Vecher veka» jaryq kórdi. Keıin «Pesnıa mollıýska» (2000 j.), «Blıznesy» (2001 jyly, kitap avtordyń Nıý-Iorkte 2001 jyly 11 qyrkúıekte bolǵan lańkestiginen 20 kúngi áserimen jazylǵan.), «Krýg pepla» romany (2006 jyly, 2009 jyly), «Vremıa Re» óleńder jınaqtary shyqqan.
Aqyn, jazýshy, dramatýrg, lıbretıst, kóptegen ádebı syıaqylardyń ıegeri, Qazaqstan horeograftary keńesiniń tóraǵasy, kınossenarıst, balet teatrynyń rejısseri, birneshe mádenı jáne gýmanıtarlyq baǵdarlamalardyń uıymdastyrýshysy, «Prız Ýlanovoı» Halyqaralyq balet festıvaliniń Prezıdenti boldy.
