Jedel aldyn alý is-sharasy barysynda oblys joldarynda, ásirese túngi ýaqytta patrýldik polısııa jasaqtarynyń tyǵyzdyǵy artqan. Atalǵan shara sheńberinde bes kúnniń ishinde polısııa qyzmetkerleri jol qozǵalysy erejelerin buzýǵa qatysty 3447 ákimshilik buzýshylyqty anyqtap, jolyn kesti. Onyń ishinde 327 jol erejesin óreskel buzý deregi bar. Onyń 37-si qoǵamdyq kólik júrgizýshileri tarapynan jasalǵan.
Bul rette oblystyq Polısııa departamenti Jergilikti polısııa qyzmeti basqarmasynyń bastyǵy Rahymberdi Áshkeev memlekettik nemese mindetti tehnıkalyq baıqaýdan ótpegen kólik quralyn basqarýdyń 119 deregi anyqtalǵanyn aıtty. Al, baǵdarshamnyń tyıym salatyn belgisine qaramastan júrgeni úshin 75 júrgizýshi, jaıaý júrginshilerge nemese jol júrisiniń ózge de qatysýshylaryna qozǵalys kezinde basymdyq bermegeni úshin 54 júrgizýshi jáne apattyq jaǵdaı týǵyzýǵa ákep soqqan jol qozǵalysy qaǵıdalaryn buzǵany úshin 34 júrgizýshi jaýapkershilikke tartylǵan. «Sonymen qatar, kólik quralyn alkogoldik, esirtkilik nemese ýytqumarlyq masań kúıde basqarǵany úshin 22 júrgizýshi ustaldy. Tıisti ruqsatsyz qaıta jabdyqtalǵan kólik quralyn basqarýdyń 14 deregi anyqtaldy. Kólik quralyn joldyń júrý bóliginde ornalastyrý, qarsy júrip ótý nemese basyp ozý qaǵıdalaryn buzýdyń bes deregi jáne kórineý jalǵan nemese qoldan jasalǵan memlekettik tirkeý nómirlik belgisi bar kólik quralyn basqarýdyń bir deregi anyqtaldy», deıdi Rahymberdi Áshkeev. Aıta keteıik, jyl basynan beri oblysta 344 jol-kólik oqıǵasy tirkelip, 40 adam qaza taýyp, 489 azamat túrli dárejedegi jaraqat alǵan.
Jambyl oblysy
