Úsh kúnde tórt boksshymyz jeńilip qaldy

Buǵan deıin jazǵanymyzdaı, jarystyń alǵashqy eki kúninde úsh boksshymyz Azııa birinshiligin erte aıaqtaýǵa májbúr bolǵan edi. О́kinishke qaraı, keshe bul qa­­­tarǵa 2019 jyly Reseı tó­rin­­­de ótken álem chempıonatyn­da top jarǵan 81 kılodaǵy ser­ke­miz Bekzat Nurdáýletov qo­syl­­­dy. Chempıonattaǵy alǵash­qy jek­pe-jeginde otandasymyz óte yń­ǵaısyz qarsylas Meı­sam Geshlagıge tap keldi. Par­sy shy­­ǵanaǵynyń ókilimen ótkizgen aı­qas­ta Bekzat 4:1 ese­bimen jeńilip qaldy. Bul – Nurdáýletovtiń álem chem­pıonatynan keıingi eń súreńsiz jekpe-jeginiń biri boldy. Jýyrda ǵana Sankt-Peterbýrgte ótken Gý­bernator kýbogynyń fınalynda shar­shy alań ıesi Imam Hataevtan jeńilip jatyp, ji­gerli mineziniń arqasynda qar­sylasynan jeńisti julyp alǵan Bekzattan, ókinishke qaraı, keshegi aıqasta sol minezdi baıqaı al­madyq. Birinshi raýndtan bastap Bekzatqa soqqy jasatpaýǵa tyrysyp, óz degenin istetken Gesh­lagı osylaısha, álem chempıonynan aılasyn asyryp, sensasııa jasady.

Azııa birinshiligindegi alǵashqy jekpe-jegin ótkizgen 52 kılo salmaqtaǵy Sáken Bıbosynov ja­rysty jeńispen bastady. Olım­pıada joldamasynyń ıegeri shırek fınalda Shrı-Lanka ókili Lasında Erandany 5:0 esebimen aıqyn utty. Jeńil salmaqtaǵy bylǵary qolǵap sheberimiz jartylaı fınalda mońǵolııalyq Harhýý Enhmandahty tóreshiler sheshimimen (3:2) jeńgen Amıt Pangalmen judyryqtasady. Dál osy úndi boksshysy jerlesimizdi 2019 jyly Reseıde ótken álem chempıonatynyń jartylaı fınalynda 3:2 jeńip, jarys jolynan yǵystyrǵan bolatyn. Endi Sáken Bıbosynov úshin ese qaıtaratyn tamasha múmkindik týyp tur.

Sonymen qatar 69 kılodaǵy qurama úzdigi Abylaıhan Júsi­pov shırek fınalda tartysty jekpe-jek kórsetti. Jergilikti boksshy Hýseın ál-Kandarıdi 5:0 esebimen aıqyn jeńgen ol jar­tylaı fınalda aýǵanstandyq boksshy Hýssaın Amırıdi ekin­shi raýnd­ta nokaýtpen utqan moń­ǵolııalyq Battýmýr Mısheeltpen qolǵap túıistiredi.

75 kıloda óner kórsetetin Ábil­han Amanqul da komandalas­tarynyń jeńisti jolyn jalǵap, úndistandyq boksshy Ashısh Kýmardy 3:2 esebimen utty. Aman­qul fınal úshin ótetin jek­pe-jekte Azııa qurlyǵynyń ekinshi nómirli boksshysy ıran­dyq Zeıdshahın Moýsavımen judyryqtasady.

Shırek fınal básekesinde qa­zaq­­standyq boksshylardan sońǵy bolyp rıngke kóterilgen qurama kapıtany Qamshybek Qońqabaev ta esh qıyndyqsyz jartylaı fınalǵa joldama aldy. 91 kılodan joǵary salmaqta el namysyn qorǵaǵan kapıtan shırek fınalda úndistandyq Narenderdi 5:0 esebimen jeńdi. Qam­­­shybek jartylaı fınalda Iran ókili Poýrıa Amırımen kez­desedi.

Jartylaı fınal jekpe-jek­teri keshe jáne búgin ótedi. Al fı­naldyq saıystar 30-31 ma­myrǵa josparlanǵan.