Oblystyq densaýlyq saqtaý basqarmasynyń baspasóz qyzmetiniń aqparatyna súıensek, budan buryn «Teńizshevroıl» JShS-niń demeýshiligimen kólemi men syıymdylyǵy ár túrli 28 muzdatqysh kamerasy jetkizilgen. Endi taǵy da 5 muzdatqysh kamerasy alynyp otyr.
«Atalǵan kompanııa 4,5 mlrd teńgeden astam qarjyǵa medısınalyq jabdyqtar men koronavırýs ınfeksııasyna qarsy qoldanylatyn quraldardy satyp alýǵa demeýshilik qoldaý kórsetti. Atap aıtqanda, Atyraý oblysynyń turǵyndary úshin 648 myń jeke qorǵanys quraly, 56 ottegi konsentratory, 252 medısınalyq jabdyq, 20 ókpe jasandy jeldetý apparaty, sondaı-aq 4 PTR-synamasynyń qondyrǵysy satyp alyndy» dep habarlady basqarmanyń baspasóz qyzmeti.
