Munda azamattar reseılik «Spýtnık-V» preparaty jáne qytaılyq «SinofarmHayat-Vak» vaksınasyn qabyldaı alady.
«Qala turǵyndary tyǵyz ornalasqan aýdandardyń birin vaksınasııalaýmen qamtý úshin «Eýrazııa» saýda úıinde de egý pýnktin ashýdy jón kórdik. Aýdan turǵyndary da atalmysh saýda ornynda ashý týraly birneshe ret ótinish bildirgen. Nur-Sultan qalasy boıynsha sanıtarlyq-epıdemıologııalyq baqylaý departamentimen birlesip, osy máseleniń múmkindigin qarastyrdyq jáne azamattarǵa yńǵaıly bolý úshin vaksınasııalaý pýnktterin ashý týraly sheshim qabyldadyq. Epıdemıologııalyq talaptardy saqtaı otyryp, osy jerde vaksınasııa júrgiziletin bolady», dep atap ótti qalalyq Qoǵamdyq densaýlyq saqtaý basqarmasy.
Vaksınasııa orny «Eýrazııa-3» SÚ-niń 4-qabatynda uıymdastyrylǵan. Vaksınasııalaýǵa tirkeý brıgadanyń kestesine jáne saýda úıiniń jumys rejımine sáıkes saǵat 19.30-ǵa deıin júrgiziledi.
Esterińizge sala keteıik, elordada búginge deıin «Mega Silk Way», «Keruen», «Han Shatyr», «Abý-Dabı Plaza», «Azııa Park», «Saryarqa» saýda oıyn-saýyq ortalyqtarynda, «Álem», «Astanalyq», «Eýrazııa» saýda úılerinde vaksınasııa pýnktteri ashylǵan bolatyn. Qala ákimi Altaı Kólginovtiń tapsyrmasy boıynsha olardyń sany úsh ese artty.
