«TMD elderi pandemııadan keıingi qalpyna kelý kezeńine birtindep kóshýde. Bizdiń ekonomıkalarymyz, jetekshi halyqaralyq qarjy uıymdarynyń boljamdary boıynsha, bıyl oń ósý traektorııasyna shyǵady», dedi A. Mamın.
Úkimet basshysy TMD elderi arasyndaǵy ózara saýda kórsetkishteriniń jaqsarǵanyn atap ótti. Bıylǵy qańtar-naýryzda Qazaqstannyń TMD elderimen saýdasy $6,3 mlrd qurady, bul ótken jyldyń sáıkes kezeńimen salystyrǵanda 10%-ǵa artyq.
QR Premer-Mınıstri qosylǵan qundy birlesip qalyptastyrýdy qamtamasyz etý, ony ótkizý naryqtaryna deıin tasymaldaý jáne kórsetilgen prosesterdi qarjylandyrý boıynsha úılestirilgen sharalar qabyldaý qajet ekenin atap ótti. Bul rette yqtımal qaıtalanatyn shoktar jaǵdaıynda ekonomıkanyń turaqtylyǵyn arttyrý úshin TMD-nyń syrtqy tólem teńgeriminiń ornyqtylyǵyn qamtamasyz etýge, onyń ishinde Dostastyq ishindegi taýar aınalymyn ulǵaıtý jolymen qamtamasyz etýge nazar aýdarý qajet.
TMD ekonomıkalyq damýynyń jańa kún tártibi aıasynda Qazaqstan Úkimetiniń basshysy Dostastyqtyń ónerkásiptik jáne agroónerkásiptik áleýetin iske asyrýǵa basa nazar aýdarýdy usyndy.
«Azyq-túlik ónimderin óndirýge, óńdeýge, bólýge, retteýge jáne tutynýǵa qatysty sýbektiler men is-sharalardyń búkil spektrin qamtıtyn TMD elderiniń azyq-túlik qaýipsizdigin qamtamasyz etý strategııasyn ázirlep, qabyldaý qajet», dedi A. Mamın.
TMD aıasynda birlesken tıimdi jáne praktıkalyq kólik saıasatyn ázirleý men iske asyrýdyń, ınfraqurylymnyń sapasy men qoljetimdiligin arttyrý boıynsha jumysty jalǵastyrýdyń mańyzdylyǵy atap ótildi. Úkimet basshysy qalyptasqan iri jahandyq qosylǵan qun tizbekteriniń transformasııasynan, dástúrli baǵyttardyń ornyqtylyǵyna qatysty qaýiptenýden jáne jekelegen aımaqtardyń tranzıttik áleýetine qatysty belgisizdikten týyndaǵan halyqaralyq kólik aǵyndaryn aýqymdy qaıta bólýdi eskere otyryp, TMD-nyń halyqaralyq tasymal naryǵyndaǵy óz úlesin ulǵaıtýǵa múmkindigi bar ekenin atap ótti.
«Mundaı serpin bizdiń tranzıttik kórsetkishterimiz arqyly kórinis berip otyr. 2020 jyly pandemııaǵa qaramastan, Qazaqstan aýmaǵy arqyly Qytaı – Eýropa – Qytaı baǵyty boıynsha konteınerlik tasymaldardyń ósýi 59,6% qurady. Osy jyldyń alǵashqy tórt aıynda ósim 84% qurady», dedi A. Mamın.
Premer-Mınıstr jobalardy qarjylandyrýdyń jańa tetikterin jáne ónerkásiptik kooperasııany tereńdetý, azyq-túlik qaýipsizdigin qamtamasyz etý, jańa birlesken óndiristerdi qurý, kólik-logıstıkalyq ınfraqurylymdy damytý jáne ınvestısııalyq ahýaldy jaqsartý jónindegi sharalardy ázirleýdiń mańyzdylyǵyn atap ótti. Otyrys qorytyndysy boıynsha halyqty jumyspen qamtýǵa járdemdesý, TMD-ǵa qatysýshy memleketterdiń aýmaqtaryn sanıtarlyq qorǵaý, jalǵan taýarlyq belgiler men geografııalyq kórsetkishterdi paıdalanýdyń aldyn alý jáne jolyn kesý salalaryndaǵy yntymaqtastyq týraly kelisimder qabyldandy.
TMD ÚBK juqpaly aýrýlardyń taralýyna qarsy is-qımyl jónindegi birlesken is-qımyldardyń ortasha merzimdi josparyn, 2025 jylǵa deıingi kezeńge arnalǵan aýsyldyń aldyn alý jáne oǵan qarsy kúres jónindegi birlesken sharalar keshenin bekitti, sondaı-aq memlekettik materıaldyq rezervterdi basqarýdaǵy jáne qarýly kúshter ofıserlerin daıarlaýdaǵy yntymaqtastyqty nyǵaıtý jóninde sheshimder qabyldady.
TMD aıasyndaǵy ekonomıkalyq ózara is-qımyldyń ózekti máseleleri jáne TMD-nyń 2030 jylǵa deıingi kezeńge arnalǵan Ekonomıkalyq damý strategııasynyń birinshi kezeńin iske asyrý jónindegi is-sharalar jospary qaraldy.
Condaı-aq otyrysqa Ázerbaıjan Premer-Mınıstri Álı Idaıat oǵly Asadov, Belarýs Premer-Mınıstri Roman Golovchenko, Qyrǵyzstan Premer-Mınıstri Ýlýkbek Marıpov, Reseı Premer-Mınıstri Mıhaıl Mıshýstın, Tájikstan Premer-Mınıstri Kohır Rasýlzoda, О́zbekstan Premer-Mınıstri Abdýlla Arıpov, Armenııa vıse-premer-mınıstriniń m. a. Mger Grıgorıan, Túrkimenstan mınıstrler kabıneti tóraǵasynyń orynbasary Gadyrgeldy Mýshshıkov, Moldovanyń Belarýstegi elshisi Vıktor Sorochan qatysty.
