Onyń aıtýynsha, eresekterge qaraǵanda balalar koronavırýstyq ınfeksııamen az aýyrady. Olardyń klınıkalyq belgileri az jáne aýrýhanaǵa jatqyzý jaǵdaılary sırek kezdesedi. Jalpy, olar kóp jaǵdaıda sımptomsyz jáne jeńil túrde aýyrady, degenmen aýyr ótetin de jaǵdaılar bolady.
«2021 jyldyń qańtar aıynan bastap Qazaqstanda COVID-19 dıagnozy rastalǵan 16 245 bala tirkelgen, onyń ishinde 34-i jańa týǵan náreste. 80% jazylyp shyqty. Balalardyń 90%-ynda aýrý sımptomsyz nemese jeńil túrde ótti. Balalardyń 10% – ortasha dárejede jáne 0,1% - aýyr dárejede boldy. COVID-19 juqtyrǵandardyń ishinde tek 58 balaǵa vırýstyq pnevmonııa dıagnozy qoıyldy. Ázirge balalarǵa ekpe jasalmaıdy jáne COVID-19 aldyn alý úshin arnaıy dárilik zattar joq, sondyqtan olardy qorǵaýdyń mańyzdy quraly birqatar epıdemııaǵa qarsy sharalardy saqtaý bolyp qala beredi. Balany jótelý nemese túshkirý kezinde aýzy men murnyn maılyqpen jabýǵa, qoldy durys jáne jıi jýýǵa, aýyzǵa, murynǵa, kózge qol tıgizbeýge úıretý kerek. Indetti juqtyrý qaýpin azaıtý úshin qoǵamdyq kólikti paıdalanýdy jáne adamdar kóp jınalatyn jerlerge barýdy shekteý kerek, múmkindiginshe, maska taǵyp júrý kerek», dep keńes berdi sarapshy.
Al úıde balalar oıynshyqtaryn únemi óńdep, teńdestirilgen tamaqtaný, fızıkalyq belsendilik, júıeli medısınalyq baqylaý jáne jaǵymdy emosııalar arqyly ımmýnıtetti qoldaý kerek.
