Borıs Djonson úılendi

Senbide úkimet basshysy bu­­ǵan deıin sóz baı­las­qan qa­lyń­­­­dyǵy Kerrı Saımondspen neke­­sin qı­dy. Mańyzdy oqıǵaǵa Borıs Djonsonnyń otbasy men jaqyn dostary ǵana kýá boldy. Jıynda bas-aıaǵy 30 ǵana adam bolǵan. Degenmen bul jańa­lyq Brıtanııa baspasóziniń nazarynan tys qal­mady.

Buǵan deıingi jańalyqtarǵa súıensek, neke qııý rásimi 30 maý­symǵa josparlanǵan.

Saıasatkerdiń áriptesteri áleý­­met­tik jelilerde quttyqtap, jy­ly lebizderin arnady. Máse­len, alǵashqylardyń biri bolyp Soltústik Irlandııanyń birinshi mı­nıstri Arlen Foster Twitter je­li­sindegi paraqshasynda qut­tyq­tap, jas jubaılarǵa baqyt tiledi.

Is-sharaǵa birneshe shirkeý qyzmetkeri qatys­ty. Negizgi bó­limi Denıel Hamfreıs ákeıdiń basshy­lyǵymen ótti. The Sun basylymy «Daýnın strıttiń», ıaǵnı Parlament pen Saraıdyń bul oqı­ǵa­dan habary bolmaǵanyn jazady.  Degenmen eki qu­­rylym da buǵan qatysty esh túsinikteme  ber­medi.

Ýestmınstr shirkeýine kelgenderden shirkeýdi jergilikti ýaqyt boıynsha 13:30-da bosatýyn ótingen. Bir jarym saǵattan keıin oqıǵa ornyna úkimet basshysy men aq kóılek kıgen qa­lyń­dyǵy keldi. Shirkeýde án aıt­qan mýzykanttar keshki 10-da ǵımarattan shyqqany fotoǵa túsi­rilgen.

Borıs Djonson men Kerrı Saımonds týraly medıa­da 2019 jyly habarlar shyǵa bastady. Olar 2020 jyly sóz baılasqanyn resmı túrde habarla­dy.­

Kerrı Saımonds Konser­vatıvti partııada jumys istegen. Londonnyń 33 jastaǵy týmasy – Ýorýık ýnıversıtetiniń túlegi.  Onyń ákesi – Mettıý Saımonds The Independent basylymynyń negizin qurýshylardyń biri. Kerrı Saımonds ózin ekobelsendi retinde tanystyrady.