Atalǵan fakti boıynsha prokýratýra sotqa deıingi tergeýdi bastady. Onyń nátıjeleri boıynsha 50-den astam túrli mórlerdi qoldanyp, qalanyń bes medısınalyq mekemesiniń atynan resmı qujattardy jasaǵan G. esimdi azamat anyqtaldy.
«Qostanaı qalasynyń № 2 sotynyń 2021 jylǵy 25 aqpandaǵy zańdy kúshine engen sheshimimen azamat G. Qylmystyq kodekstiń 385-baby 1-bóligimen kózdelgen qylmysty jasaǵany úshin kináli dep tanyldy (jalǵan qujattardy, mórtabandardy, mórlerdi, blankilerdi, memlekettik poshta tólemi belgilerin, memlekettik nagradalardy qoldan jasaý, daıyndaý nemese ótkizý). Oǵan 1 jylǵa bas bostandyǵyn shekteý jazasy taǵaıyndaldy, sonymen qatar ol 100 saǵattyq májbúrli eńbekke tartyldy», delingen prokýratýra taratqan habarlamada.
Sonymen qatar qala prokýratýrasy jalǵan qujattardy daıyndaǵan jáne satqan adamdar ǵana emes, olardy qoldanatyndar da qylmystyq jaýapkershilikke tartylatyndyǵy týraly eskertedi.
