– Jobaǵa sáıkes, terekter kesilýi tıis edi. Biraq tapsyrys berýshi men merdiger kompanııanyń birlesken uıǵarymymen ózgeshe sheshim qabyldandy. Bul – terekterdi basqa orynǵa aýystyryp, saqtap qalý, – deıdi seriktestik dırektorynyń orynbasary Orynbaı Ǵabbasov.
Osylaısha aýqymdy jumys bastalǵanǵa deıin kópjylǵy 30-dan astam terek «Munaıshy» stadıony mańyndaǵy alleıaǵa kóshirildi. Endi qalany kógaldandyrýmen aınalysatyn «KDMS» kompanııasynyń mamandary «qonys aýdarǵan» terekterge únemi baqylaý júrgizgeli otyr.
– Terekter de tirshilik ıesi sekildi jańa orynǵa beıimdelgenge deıin «aýyrady». Alaıda, tyńaıtqyshtar men turaqty sýarý terekterdiń tamyr jaıýyna kómektesedi. Bir aıda terekterdiń tamyr jaıǵany nemese ólip qalǵany belgili bolady, – dedi O.Ǵabbasov.
Atyraý oblysy
