«Densaýlyq saıabaǵyn» odan ári damytý maqsatynda oblystaǵy medısına salasynyń ardagerleri uıymdasyp, 80-nen astam shyrsha jáne aǵash kóshetterin otyrǵyzdy. Endi munda aldaǵy ýaqytta 1 myń túp tal kósheti egiletin bolady. Oblystyq densaýlyq saqtaý basqarmasynyń basshysy Áset Qalıevtiń aıtýynsha, medısına salasynyń qyzmetkerleri ózderi bastap kópshilikke kógaldandyrylǵan orynda demalýdy usynyp otyr eken. Ári bul saıabaq qalada halyq tyǵyz shoǵyrlanǵan aýmaqta bolǵandyqtan, demalýshylardyń da qatary kóp bolatyny sózsiz. «Taza aýa men aǵashtardyń saıasynda demalý, sondaı-aq, salamatty ómir saltyn saqtap, sportpen aınalysý, jaıaý júrý, dalada tynys alý jattyǵýlaryn jasaý – bul turǵyndardyń basty ustanymyna aınalýy qajet. Búgingideı pandemııa kezinde de bul asa mańyzdy. «Aýyryp em izdegenshe, aýyrmaýdyń jolyn izdeý» kerektigin umytpaǵan jón. Aldaǵy ýaqytta bul jer barlyq qala turǵyndary men qonaqtary da keletin demalys oryndarynyń biri bolady degen oıdamyn», deıdi ol.
О́ńir dárigerleriniń bastamasymen qolǵa alynǵan bul joba tarıhı Taraz shaharynyń sáýletin arttyratyn, ásirese jas býynǵa salamatty ómir saltyn nasıhattaıtyn ortalyq bolady dep kútilýde. Atalǵan saıabaqtyń qurylysyna bıýdjetten aqsha jumsalmaıdy. Joba demeýshiler esebinen jınalǵan qarajatqa júzege asyrylyp otyr.
Jambyl oblysy
