Basylymda táýelsizdik alǵannan bastap qazirgi ýaqytqa deıingi sırek kezdesetin ári biregeı arhıvtik fotosýretter jınaqtalyp, otyz jyldaǵy eń kórnekti oqıǵalardyń kadrlary toptastyrylǵan. Is-sharaǵa Elbasynyń áriptesi, memleket qaıratkeri, táýelsiz Qazaqstannyń birinshi Syrtqy ister mınıstri Tóleýtaı Súleımenov, belgili kompozıtor jáne qoǵam qaıratkeri Tólegen Muhamedjanov, jeńil atlet, Olımpıada jáne álem chempıony Olga Shıshıgına qatysty.
– Sizder – egemen elde týǵan eń baqytty táýelsizdik qurdastarysyzdar. Elbasy 2019 jyly óz ókilettiligin toqtatqan kezde jáne «Jastar jylynyń» ashylýynda: «Derbes Qazaqstannyń eń basty jetistigi – jańa táýelsiz urpaq», degen bolatyn. Osy qanatty sózdi úndestirgen Memleket basshysy Qasym-Jomart Toqaev aǵa býynnyń mindeti – táýelsiz eldiń kreatıvti, bilimdi, aqyldy, tabysty urpaǵy bizdi kúlli álemge tanytýy úshin barlyq jaǵdaıdy jasaý kerektigin aıtty, – dedi Tuńǵysh Prezıdent – Elbasy kitaphanasy dırektorynyń orynbasary Botagóz Qaıypova.
Kezdesý barysynda «Otyz. Halyq taǵdyry – el tarıhy» fılminiń aldyn ala kórsetilimi ótti.
