Turǵyn úıdiń ishki alańdyq-ınjenerlik jeliler men abattandyrý qurylysyn júrgizgen merdiger kólik joldaryn saraptamadan oń qorytyndy alǵan joba boıynsha jasaıdy. Taraz qalasy, Súleımenov kóshesiniń sońyndaǵy №15 shaǵyn aýdanda ornalasqan №16 turǵyn úıdiń shatyryn qalpyna keltirý jumystary júrgizildi. 19 aqpan kúni bolǵan daýyl saldary tolyǵymen joıyldy. Qurylys nysandarynyń jobalyq-smetalyq qujattamalaryn ázirleý barysynda shatyr jabyndysynyń qurylys normatıvterine saı ornalastyrylýy eskeriledi. Al Taraz qalasy, Súleımenov kóshesiniń sońyndaǵy №15 shaǵyn aýdanda ornalasqan №11 úı turǵyndarynyń shaǵymyna oraı, «Taraz qalasy, Súleımenov kóshesi aıaǵyndaǵy 80 páterlik turǵyn úı qurylysy. №1 jer telimi, 3-shi nysany» boıynsha barlyq qurylys-montajdaý jumystary jobaǵa sáıkes jasalǵanyn habarlaımyn. Jertóleniń qubyry, kanalızasııa júıesinde oryn alǵan jaǵdaı turmystyq qaldyqtardyń qubyrǵa túsýine baılanysty bolǵan. «Jambyl sý» kommýnaldyq-memlekettik kásiporny tarapynan barlyq aqaýlar joıyldy.
Jańadan boı kóterip jatqan shaǵyn aýdan bolǵandyqtan, jańa turǵyn úılerdiń qurylysy da jalǵasýda. Barlyq qurylys jumystary aıaqtalǵan soń, turǵyn úı aralaryna asfalt jabyndysyn tóseý boıynsha jumystar atqarylatyn bolady. Qazirgi tańda kópqabatty turǵyn úılerdiń qurylysyn jobalaý kezinde múmkindigi shekteýli azamattardyń kirip-shyǵýyna arnalǵan talaptar – pandýstar qarastyrylmaǵan. Turǵyndardyń ótinish hattaryna sáıkes pandýs ornatý máselesi qarastyrylady.
Tólegen BIBOSYNOV,
Taraz qalalyq qurylys bóliminiń basshysy
