«El Prezıdenti Q.Toqaevtyń arnaıy Jarlyǵymen Altyn Ordanyń mereıtoıyn barsha dúıim jurt bolyp atap óttik. Biz tarıhymyzdy, mádenıetimizdi dáripteýde Altyn Ordanyń negizin qalaǵan Joshy hannyń saıası qaıratker retindegi memlekettik ıdeologııasynyń mańyzdy tarıhı ózektiligin umytpaýymyz kerek. Búginde Ulyq Ulys jeriniń basym bóligi qazirgi Qazaqstan aýmaǵyna mırasqa qaldy. Ulttyq mýzeı qyzmetkerlerimen birge qasıetti Ulytaý óńirine baryp, úlken ǵylymı eńbekterdi daıyndap, nazarlaryńyzǵa usynyp otyrmyz», dedi Ulttyq mýzeı dırektory A.Muhamedıuly.
Ǵalym, memleket jáne qoǵam qaıratkeri О́mirzaq Ozǵanbaıuly mýzeıdegi ekspozısııalar, osyndaı tarıhı zaldardyń ashylýy jas urpaqty patrıottyq jáne Otanǵa degen súıispenshilik rýhta tárbıeleýdegi orasan zor róline toqtaldy.
«Qazaqtyń uly aqyny M.Jumabaev «Kóp túrik enshi alysyp tarasqanda, qazaqta qarashańyraq qalǵan joq pa?» – dep, er túriktiń bir murageri retinde qazaqty sanaıdy. Altyn Orda – qazirgi búkil Ortalyq Azııa memleketteriniń qarashańyraǵy», dedi О́.Ozǵanbaıuly.
Sondaı-aq Parlament Májilisiniń depýtaty, Berik Ábdiǵalıuly «Ulyq Ulys» zaly Memleket basshysy Q.Toqaevtyń Altyn Ordanyń 750 jyldyq mereıtoıyn atap ótý bastamasymen ashylǵanyn jetkizdi.
«Memleket basshysy Q.Toqaevtyń Altyn Ordanyń 750 jyldyǵyn atap ótý bastamasymen osy zaldyń ashylýy ótip jatyr. Qazaqstannyń ortaǵasyrlyq tarıhynda Altyn Orda (Joshy Ulysy, Ulyq Ulys) tarıhy mańyzdy oryn aldy. «Ulyq Ulys» (Altyn Orda) tarıhy ulttyq tarıhymyzben tikeleı baılanysty. Qazaq handary Altyn Orda dep atalǵan Eýrazııalyq derjavany qurǵan Joshy hannyń tikeleı urpaqtary sanalady. Búgingi «Ulyq Ulys» zalynyń ashylýy qutty bolsyn. Ári qaraı da ǵylymı eńbekterdi jalǵastyryp, tól tarıhymyzdy ulyqtaı bereıik», dedi B.Ábdiǵalıuly.
Ashylý saltanatynan keıin jınalǵan qaýymǵa zal boıynsha ekskýrsııa júrgizildi. Zaldyń ekspozısııasynda memlekettiń qalyptasýy, órkendep damýy, saıası tarıhy kórsetilip, shetel muraǵattarynan tabylǵan handardyń resmı jazbalarynyń kóshirmeleri, memlekettiń rámizi bolyp tabylatyn «Ulyq Ulys» týynyń qaıta jańǵyrtylǵan nusqasy (Eýropalyq teńiz kartalaryndaǵy málimetterge súıenip) kórmege qoıyldy.
Sonymen birge «Ulyq Ulys» handarynyń elshilerge, saýdager-kópesterge bergen negizgi senim qujattary bolyp tabylǵan paızylardyń kóshirmesi, Joshy urpaqtarynyń shejiresi (Sol qanat) qalyń kórermen nazaryna usynyldy.
Atap aıtsaq, Ulttyq mýzeı qorynan Ulyq Ulys kezeńiniń mádenıetin, turmys-tirshiligimen tanystyratyn altynordalyq qalalardan tabylǵan arheologııalyq artefaktiler, nýmızmatıkalyq toptamalar, dinı-minájattyq ǵımarat maketi jáne t.b. jádigerler qoıylǵan.
«Ulyq Ulys» zaly boıynsha júrgizilgen ekskýrsııa kórermen kóńilinen shyǵyp, kópshilik qundy derektermen tanysa aldy.
Aıta keteıik, «Ulyq Ulys» zaly Altyn Orda memleketi men Qazaq handyǵynyń tikeleı sabaqtastyǵyn kórsetý, memleketterdiń ózara baılanysy men tarıhyn nasıhattaý maqsatynda Qazaqstan Respýblıkasy Táýelsizdiginiń 30 jyldyǵyna oraı ashyldy.
