Aıta keteıik, 31 mamyr – Saıası qýǵyn-súrgin qurbandaryn eske alý kúnine oraı qolǵa alynǵan bastamaǵa óńirdegi Qazaq ınnovasııalyq gýmanıtarlyq-zań ýnıversıteti muryndyq boldy.
Ýnıversıtettiń gýmanıtarlyq fakýlteti dekanynyń orynbasary Azamat Azatovtyń aıtýynsha, panno portretke 3 myń rýbık tekshesi ketken. Salmaǵy – 450 kılo, bıiktigi – 3,4 metr, eni – 2,8 metr. Ony 6 oqýshy 8 saǵatta jasap shyǵypty.
«Buǵan deıin «Qazaqstan spıdkýbıng federasııasy» qoǵamdyq birlestigi ókilderiniń 9 mamyrda mergen qyz Álııa Moldaǵulovanyń portretin rýbık tekshesinen jasaǵanyn kórgen edik. Sóıtip Saıası qýǵyn-súrgin qurbandaryn eske alý kúninde qoǵam jáne memleket qaıratkeri Álıhan Bókeıhannyń portretin jasatý jaıly oı týdy. Negizgi maqsat – Alash ardaqtysyn óskeleń urpaqqa nasıhattaý», dedi fakýltet dekanynyń orynbasary.
