Ony Qazaqstannyń Armenııadaǵy Elshiligi, Armenııanyń Eńbek jáne áleýmettik máseleler mınıstrligi, qazaqstandyq «Aıalaǵan alaqan» qoǵamdyq qaıyrylymdylyq qory jáne Erevandaǵy M. Izmırlıan atyndaǵy erekshe qajettilikteri bar jandarǵa arnalǵan balalar úıi uıymdastyrdy.
Kórmeniń ashylý saltanatyna Armenııa Eńbek jáne áleýmettik máseleler mınıstriniń birinshi orynbasary Tatevık Stepanıan, atalǵan balalar úıiniń dırektory Tamara Mnasakanıan, memlekettik, qoǵamdyq jáne gýmanıtarlyq uıymdardyń basshylary, Erevanda akkredıttelgen dıplomatııalyq mıssııalar men halyqaralyq uıymdardyń basshylary qatysty.
Eldiń birinshi hanymy óziniń quttyqtaý sózinde eki eldiń balalary arasynda ózara túsinistikke jol ashatyn osyndaı bastamalardyń mańyzdylyǵy men ózektiligin atap ótti. Qazaqstan Elshisi Bolat Imanbaev kórmeniń ekijaqty mádenı-gýmanıtarlyq yntymaqtastyqty damytý úshin eleýli mańyzyn atap ótti.
Kórme barysynda qatysýshylar Qazaqstannyń táýelsizdik jyldaryndaǵy saıası jáne áleýmettik-ekonomıkalyq damýdaǵy jetistikterimen, elde júzege asyrylyp jatqan reformalarmen, onyń ishinde balalar men múmkindigi shekteýli adamdardyń quqyqtaryn qorǵaý salasyndaǵylarymen, tanysty. Is-shara aıasynda Elshiliktiń jáne QR Qurmetti konsýldyǵynyń atynan M. Izmırlıan atyndaǵy balalar úıine sport jabdyqtary men basqa da syılyqtar tabystaldy.
1 maýsymda bilim alýda erekshe qajettilikteri bar qazaqstandyq balalardyń eńbekteri «Erevan – meniń mahabbatym» qaıyrymdylyq qorynyń konsertinde kórsetilip, qoǵam arasynda shynaıy qyzyǵýshylyq týdyrǵan bolatyn.
