Bas múftı bastaǵan delegasııany jyly qabyldaǵan shahar basshysy kezdesý barysynda qala aýmaǵyndaǵy dinı ahýal máseleleri, qaıyrymdylyq baǵytyndaǵy jumystar, meshitter tóńireginde suhbattasty.
Aıta ketsek, bıyl qala ákiminiń tikeleı qoldaýymen 75 myń otbasyǵa qaıyrymdylyq kómek kórsetildi jáne QMDB Shymkent qalasy boıynsha ókildiginiń qoldaýymen «Ramazan qaıyrymdylyq aıy» is-sharasy ótti.
О́z kezeginde el musylmandarynyń tóraǵasy Naýryzbaı qajy Taǵanuly qala ákimine rızashylyǵyn bildirip, qaıyrymdylyq baǵyttaǵy jumystaryna joǵary baǵa berdi.
«Shymkent – elimizdegi meshitterdiń sany jaǵynan aldyńǵy orynda. Osy meshitterdiń isine járdem berip kele jatqan azamattarǵa rahmet. Dinı basqarma 7 jumys baǵytynan bólek «Zırat pen zııarat ádebi», «As berý mádenıeti» syndy qujattardy qabyldaǵan edik. Osy baǵytta atqaryp jatqan jumystarymyzǵa qoldaý bildirgenińizge alǵys aıtamyn. El táýelsizdiginiń 30 jyldyǵy qarsańynda birneshe jobalarymyz bar. Ony da jergilikti ákimdiktermen birge atqarmaqpyz. О́zińizge Ramazan aıynda kórsetken qoldaýyńyzǵa erekshe iltıpatymdy jetkizemin» - dedi Bas múftı ekijaqty kezdesýde.
Sondaı-aq júzdesý sońynda Bas múftı aımaq basshysyna «Tápsirlerdiń tańdaýlysy» kitabyn syıǵa tartty.
Búgingi tańda Shymkent qalasynda 89 meshit QMDB-na fılıal bolyp tirkelgen. «Shymkent» medrese-kolledjinde erler men qyzdar bólimi qatar jumys isteıdi. Sondaı-aq QMDB-ǵa qarasty 1 «Yqylas» qarılar daıyndaý ortalyǵynda 70 shákirt, «Halifa Al-Nahaian Aqmeshiti» jeke qaıyrymdylyq mekemesinde 40 shákirt onlaın tálim alýda.
Eske salaıyq, búgingi kezdesýge QMDB Apparat basshysy Ǵylymbek Jádigeruly, Shymkent qalasy ákiminiń birinshi orynbasary Shyńǵys Muqan jáne Shymkent qalasynyń bas ımamy Baqdáýlet Ábdrahmanov qatysty.
Sondaı-aq múftı Shymkenttegi resmı saparyn ortalyq meshit janyndaǵy «Áıel-qyzdar» sektory uıymdastyrǵan «Rýhanı tárbıe – kemel adam» salt-dástúr sharasymen jalǵastyrdy.
Rýhanı bastama barysynda Naýryzbaı qajy Taǵanuly «Áıel-qyzdar» sektorynyń jáne «Ájeler» mektebiniń múshelerine óz rızalyǵyn bildirip, tálim-tárbıe, ıhsan ilimi, qyz tárbıesi – ult tárbıesi ekendigin aıryqsha atap ótti.
Sondaı-aq, uıymdastyrylǵan shara barysynda Bas múftı jýyrda ǵana dúnıe esigin ashqan sábıdiń qulaǵyna azan aıtyp, Danııar dep esimin qoıyp berdi. Odan bólek aq jaýlyqty ájelerimiz umyt bolǵan kóne dástúr men baǵzydan kele jatqan ǵurypty qaıta jańǵyrtý maqsatynda jún tútý, keli túıý, urshyq ıirý ónerin ortaǵa saldy.
Rýhanı hám ıgi sharaǵa QMDB Apparat basshysy Ǵylymbek Jádigeruly, Aqparat jáne qoǵammen baılanys bóliminiń meńgerýshisi Marat Dálelhanuly, QMDB-nyń «Zeket jáne qaıyrymdylyq» qorynyń dırektory Talǵat Omarov, Shymkent qalasynyń bas ımamy Baqdaýlet Abdrahmanov, din salasynda uzaq jyldar eńbek etip kele jatqan Bekaıdar Ámire, Muhamedjan Estemirov syndy birqatar din qyzmetkerleri qatysty.
Budan bólek ol respýblıkalyq «El úlesi – páterge» aksııasymen tórt ımamǵa baspana kiltin tabys etti.
Saýapty shara barysynda Bas múftı quttyqtaý sóz alyp, búginde asyl dinimizdiń órkendeýine úles qosyp júrgen, alaıda baspanaǵa muqtaj meshit qyzmetkerlerine páter kiltterin tabys etti. Onyń úsheýi qyzmettik úı bolsa, bireý jeke úı retinde berildi.
Baspana kiltin alǵandar qatarynda Shymkent qalasy «Aıtbaı ata» meshitiniń azanshysy Ilııas Bekjan, «Atameken» meshitiniń ımamy Dáýlet Túlenov, «Tájibaı ata» meshitiniń ımamy Erkebulan Serikbaev jáne «Úsenbek ata» meshitiniń ımamy Mustafa Baýyrjanuly bar.
Aıta ketsek, qonys toı sharasynda Shymkent qalasy Din ister basqarmasynyń basshysy Áljan Tuıaqbaev, QMDB Apparat basshysy Ǵylymbek Jádigeruly, Aqparat jáne qoǵammen baılanys bóliminiń meńgerýshisi Marat Dálelhanuly, QMDB-nyń «Zeket jáne qaıyrymdylyq» qorynyń dırektory Talǵat Omarov boldy.
Eske sala keteıik, respýblıkalyq «El úlesi – páterge» qaıyrymdylyq aksııasymen 405, 406, 407 jáne 412-úı berildi.
