2020-2021 jyldardaǵy balalar men jasóspirimder komandalary arasyndaǵy Qazaqstan Respýblıkasynyń chempıonatynda elordalyq sport mektebiniń tárbıelenýshileri úsh altyn jáne eki kúmis medal jeńip aldy. Bul jalpy komandalyq esepte birinshi oryn alýyna múmkindik berdi.
Marapatty mektep dırektory Talǵat Kıtarovqa shaıbaly hokkeıden Qazaqstan federasııasynyń ókili Rýstam Ibraev tabystady.
«Mektep qyzmetkerlerin, barlyq jattyqtyrýshylar quramyn, tárbıelenýshilerimizdi, ata-analardy «Shaıbaly hokkeıden Qazaqstandaǵy úzdik mektep» ataǵymen quttyqtaǵym keledi. Bul jeńiske árkim óz úlesin qosty. Quttyqtaımyn! Bárińizge rahmet!», dep atap ótti sport mektebiniń dırektory.
Esterińizge sala keteıik, Nur-Sultan qalasy ákimdiginiń "shaıbaly hokkeıden №10 mamandandyrylǵan balalar-jasóspirimder sport mektebi" KMM 2002 jyldyń qańtarynda ashylǵan bolatyn. Búginde munda 600-ge jýyq bala tegin oqıdy.
