Aıta keteıik, ózine ózi qyzmet kórsetý termınaldary búkil el boıynsha 553 aýyldyq ákimdikte ornatylady. Osy pýnktter arqyly turǵyndar memlekettik qyzmetterdi jeńil ári tez alady, marketpleısterde tehnıka men túrli taýarlardy, sondaı-aq temir jol jáne avıabıletterdi satyp alady, kommýnaldyq qyzmetter úshin onlaın-tólemder, aýdarymdar jasaıdy, dárigerdiń qabyldaýyna jazylady jáne telemedısına servısterine qol jetkizedi, poshta qyzmetterine jáne kýrerlik jetkizilimderge tapsyrys berýine de múmkindik bar. Sonymen qatar eQoldau Wi-Fi sıgnalyn bere alady, oǵan qosylý arqyly aýyl turǵyndary ınternetti ózderiniń gadjetterinde qoldana alady.
«QQO-ny qala men aýyl arasyndaǵy sıfrly teńsizdikti joıýdyń taǵy bir qadamy dep sanaýǵa bolady. Osylaısha, biz ádettegideı aýyldy qalaǵa emes, qalany aýylǵa jaqyndatamyz. Aýyl halqy qalada alatyn barlyq qyzmet túrin ala alady. Osy jerden aýdandyq halyqqa qyzmet kórsetý ortalyqtaryna barýdyń qajeti joq. О́tken jyly osyndaı aýyldyq pýnktter elimiz boıynsha 1 250 talshyqty-optıkalyq baılanys jelisi ornatyldy. Andreevka aýyly biz osyndaı qurylǵyny ornatqan alǵashqy aýyl bolady. Meniń oıymsha, barlyq aýyldyq eldi mekenge osy servıspen ornatamyz», dedi Sıfrlyq damý, ınnovasııalar jáne aeroǵarysh ónerkásibi vıse-mınıstri Ashat Orazbek.
Sondaı-aq eQoldau ashyq qoljetimdilik pýnktteri arqyly aýyl turǵyndary elektrondy sıfrly qoltańbalaryn aldy. Iаǵnı endi «Azamattarǵa arnalǵan úkimet» memlekettik korporasııasy Egov.kz portalyn, Enpf.kz biryńǵaı zeınetaqy qorynyń saıtynyń barlyq múmkindigin paıdalana alady. Jalpy, jańa bólimder men qyzmetterdi qosý arqyly seriktestik ekojúıesin damytý josparlanýda.
«Búgingi tańda self-service naryǵynda bar sheshimder kóbinese monofýnksıonaldy sanalady jáne belgili bir uqsas mindetterdi oryndaýǵa baǵyttalǵan. Biz usynatyn ózine ózi qyzmet kórsetý aımaqtary – eQoldau aýyldyq eldi mekenderge sıfrlandyrýdyń kirý núkteleri dep ataýǵa bolady, bul aýyl turǵynyna bir jerde birden birneshe máseleni sheshýge, túrli qyzmetter men servısterdi alýǵa múmkindik beretin keshendi servıs. Iаǵnı halyq úshin eQoldau termınaly – sıfrly qyzmetter álemine aparatyn ózindik sara jol sekildi», dedi «Qazaqtelekom» AQ strategııalyq basqarý jónindegi bas dırektory Batyr Mahanbetájıev.
Shynynda da, aýyldarǵa sıfrlandyrýdyń kirý núktesi qaǵıdaty boıynsha eQoldau ashyq qol jetkizý pýnktteriniń jelisin qurý aýyldyq eldi mekenderge talshyqty-optıkalyq baılanys jelilerin ornatý jónindegi iri jobany iske asyrǵannan keıin múmkin boldy. Budan basqa, Andreevka aýylynda Sıfrlyq damý, ınnovasııalar jáne aeroǵarysh ónerkásibi mınıstrligi men «Qazaqtelekom» arasynda aýyl ákimdikterin qoǵamdyq qol jetkizý pýnktterimen jabdyqtaý boıynsha yntymaqtastyq týraly Memorandýmǵa qol qoıyldy.
