Eńbek resýrstaryn damytý ortalyǵynyń habarlaýynsha, ásirese bilim berý salasy jyl sanap kadr tapshylyǵyn sezinýde.
«Boljamnyń negizgi ssenarııinde jaldamaly jumys kúshine degen jalpy suranys 2021-2025 jyldarǵa 1038,4 myń adamdy quraıdy dep kútilýde. Optımıstik ssenarıı boıynsha suranys kólemi 1 177,4 myń adamdy quraıdy, al pessımıstik – 792,9 myń adamdy quraıdy. Salalyq bóliniste jumys kúshine degen negizgi suranys bilim berý salasynda qalyptasady dep kútilýde, ol ssenarııge baılanysty jalpy kólemniń 16-18 paıyzyn quraıdy. Odan keıingi oryndarda aýyl sharýashylyǵy salasy men óńdeý salasy tur» delingen ortalyq habarlamasynda.
Optımıstik ssenarıı boıynsha 2025 jylǵa qaraı jumys kúshi 9 mln 409 myń adamdy, jumysshylar sany – 8 mln 967 myń adamdy, qyzmetkerler sany – 7 mln 864 myń adamdy, basqa jumyspen qamtylǵandar sany – 1 mln 103 myń adamdy quraýy múmkin. Pessımıstik ssenarıı boıynsha 2025 jylǵa qaraı jumys kúshi 9 mln 266 myń adamǵa deıin ósedi, al jumysshylar sany – 8 mln 830 myń adam, qyzmetkerler sany – 7 mln 480 myń adam, basqa jumyspen qamtylǵandar sany
1 mln 351 myń adam bolmaq.
2020 jyldyń qorytyndysy boıynsha jumys kúshiniń jalpy sany 0,4 paıyzǵa azaıyp, 9,18 mln adamdy qurapty. О́zin ózi jumyspen qamtyǵan adamdar sanynyń azaıýy negizgi kórsetkishke áser etken. Buǵan árıne, pandemııa da erekshe «úles qosty». Sonymen qatar karantındik shekteý sharalaryna baılanysty óndiris kóleminiń tómendeýi baıqalǵan salalarda jumyspen qamtylý deńgeıi de quldyraǵan.
«Eń kóp tómendeý kólik (-3,2 paıyz), óner jáne oıyn-saýyq (-2,5 paıyz), ákimshilik jáne qosalqy qyzmet kórsetý (-2,3 paıyz) salalarynda, sondaı-aq turý jáne tamaqtaný boıynsha qyzmetter salasynda (-1,7 paıyz) baıqalyp otyr. 2020 jyly qyzmet kórsetý jáne satý salasy qyzmetkerleriniń jumyspen qamtylýyna pandemııanyń erekshe teris áserine qaramastan, jyldyq qorytyndylar boıynsha jáne 2019 jylmen salystyrǵanda nebári 0,02 paıyzǵa nemese 310 adamǵa azaıdy. Iаǵnı qabyldanǵan sharalardyń tikeleı shekteý áserine qaramastan, qyzmet kórsetý jáne satý salasyndaǵy qyzmetkerler arasynda jumyspen qamtýdy qalpyna keltirý qarqyny neǵurlym ıkemdi jáne beıimdelgish bolyp tabylady» delinedi ortalyq zertteýinde.
Naryqqa jańa tehnologııalardyń qarqyndy engizile bastaýy, óndiristiń sıfrlanýy taǵy birshama adamnyń jumyssyz qalýyna áser etýi yqtımal. Qazirgi tańda óndiristiń jappaı avtomattandyrylýy aldaǵy on jyldyqta 2,6 mln-nan astam jumys ornynyń qysqarýyna alyp kelmek. Oxford Economics deregi boıynsha sońǵy 20 jylda búkil álemde paıdalanylatyn robot sany 3 ese ósip, 2,25 mln-ǵa jetken. 2030 jylǵa qaraı onyń jahandyq qory 20 mln-ǵa deıin kóbeıedi dep kútilip otyr.
PwC boljamynsha 2030 jylǵa taman kólik, óńdeý ónerkásibi jáne saqtaý salasy eń belsendi túrde avtomattandyrylady.
«Alaıda avtomattandyrý belgili bir kásip túrlerinde adam eńbegin yǵystyrýdy ǵana emes, sonymen qatar joǵary jáne tómen bilikti jumysshylar arasyndaǵy jumyspen qamtý deńgeıindegi alshaqtyqty kúsheıtýge yqpal etetinin este ustaǵan jón. Avtomattandyrý kúndelikti eńbek fýnksııalary bar kásipterdi yǵystyratyndyqtan, biliktiligi tómen jáne orta deńgeıdegi jumysshylarda (júrgizýshi, kassır, keńse qyzmetkerleri jáne t.b.) tabystyń tómendeýi men naryqqa qajetsiz bolyp qalý qaýpi bar» deıdi eńbek resýrstary ortalyǵy.
