Bul Kelisim kóshi-qon salasyndaǵy ekijaqty yntymaqtastyq úshin quqyqtyq negiz qalyptastyrýdy jáne zańsyz kóshi-qonǵa qarsy is-qımyl boıynsha birlesip áreket etýdi kózdeıdi.
Osy zańǵa sáıkes endi taraptar anyqtalǵan kóshi-qon zańnamasynyń buzýshylyqtary, zańsyz kóshi-qon joldary, eki eldiń aýmaǵynda zańsyz kóshi-qondy uıymdastyrýǵa jáne júzege asyrýǵa qatysy bar zańdy jáne jeke tulǵalar týraly aqparat pen málimetterdi almasa alady.
«Osy qujat arqyly Ázirbaıjanda júrgen azamattarymyzdyń múddelerin tıisti deńgeıde qorǵaýǵa qosymsha múmkindikter týyndaıdy. Aldaǵy ýaqytta bul zań kóshi-qon salasyn rettep, eki el arasyndaǵy yntymaqtastyqty odan ári damytýǵa oń septigin tıgizedi dep senemiz», dedi Máýlen Áshimbaev.
Sonymen qatar otyrys barysynda senatorlar depýtattyq saýaldaryn joldady. Sergeı Ershov azamattyq qorǵanys organdaryn materıaldyq-tehnıkalyq qamtamasyz etýdi jáne ondaǵy qyzmetkerlerdiń áleýmettik jaǵdaıyn jaqsartý máselesin kóterdi.
Al, Ábdáli Nuralıev elimizdegi ekologııa problemalaryna nazar aýdaryp, olardy sheshý joldaryn usyndy.
