ShQO boıynsha QAJD OV-156/1 mekemesinde jazasyn ótep jatqan sottalǵan K.E. О́skemen qalasynyń sotyna QR QK 73 baby boıynsha ótinish jibergen bolatyn. Sottalǵannyń ótinishi sot qaýlysy boıynsha qanaǵattandyrylyp ótelmegen jazasy neǵurlym jeńil jaza túrine aýystyryldy.
Búgin mekemeniń tárbıe bóliminiń qyzmetkerlerimen «Qaqpa aldynda kezdesý» jobasy uıymdastyryldy. Túzeý mekemesinen bosap shyqqan sottalǵandardy áleýmettik, bostandyq taǵy ómirge beıimdeý, bul qylmystyq-atqarý júıesi organnyń ǵana mindeti emes, sonymen qatar áleýmettik emes uıymdarymen, atqarýshy organdarmen probasııa qyzmetkerleriniń kómegimen jasalatyn jumys. Sol sebepti, Jumyspen qamtý ortalyǵynyń mamany jáne probasııa qyzmetiniń ınspektory kelip, sottalǵanǵa bosatylǵannan keıingi sottalǵannyń turmystyq jáne jumysqa ornalasý jónindegi quqyqtary men mindetteri, sonymen qatar azamattyń júrip turý tártibi boıynsha túsindirme júrgizilip, baǵyt-baǵdar berildi. Azamatty qaqpa aldynan uzaq ýaqyt boıy bostandyqta saǵyna kútip júrgen anasy men baýyry asyǵa kútip aldy. Mekeme qyzmetkerleri ana men bala, baýyrlar arasyndaǵy mahabbatpen saǵynyshqa toly sezimge kýá bolyp, bostandyqqa shyqqan azamatqa sáttilik tilep, otbasymen qaýyshtyrdy.
