Ashyq jobasy – Kaspi.kz qosymshasynda

«Biz eldegi eń tanymal sýper-qosymsha Kaspi.kz-ke ınnovasııalyq qyzmetterdi turaqty túrde qosyp otyramyz. Búgin biz barlyq qazaqstandyqtarǵa sport klýbtaryna, basseınderge, kafeler men basqa da qoǵamdyq oryndarǵa barýǵa múmkindik beretin Ashyq qyzmetin Kaspi.kz qosymshasyna qosamyz. Biz memleketpen seriktestikte súıikti klıentterimizge pandemııa kezinde belsendi ómir súrýge, al qazaqstandyq bızneske qaýipsizdik sharttaryn saqtaı otyryp jumys isteýge kómekteskenimizge qýanyshtymyz», dedi bul jóninde Kaspi.kz basshysy Mıhaıl Lomtadze.

Sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsın, Ashyq qyzmeti bızneske pandemııa kezinde jumys isteýge, al bizge – súıikti demalys oryndaryna baryp, ádettegi ómir saltymen ómir súrýge múmkindik bergenin atap ótti. «Biz atalǵan qyzmet eldegi eń tanymal qosymshalarda paıda bolady dep ýáde bergen edik. Búgin bul Kaspi.kz klıentterine qoljetimdi boldy. Biz el turǵyndary aldyndaǵy jaýapkershilikti sezinemiz jáne bıznesti qorǵaý men qazaqstandyqtar arasynda vırýstyń taramaýyna bar kúshimizdi salamyz», dedi mınıstr.

Jańa qyzmetti paıdalaný úshin Kaspi.kz qosymshasynda Kaspi QR-dy ashyp, Ashyq jobasyna qatysatyn nysan, mekemeniń kireberisindegi QR-kodty skanerleý jet­kilikti. Odan keıin smartfon ekranynda qoǵamdyq orynǵa kirý nemese shekteý bary týraly aqparat paıda bolady:

• Qaýipsiz – shekteý joq, PTR test teris;
• Beıtarap – PTR test mindetti oryndardan basqa jerge shekteý joq;
• Vırýs juqtyrǵandarmen baılanysy bar – nysandarǵa kirýge jartylaı tyıym salynǵan;
• Juqtyrǵan – qoǵamdyq oryndarǵa kirýge tyıym salynady. PTR test oń.

Eger kirýge ruqsat berilse, nysan qyzmetkerine ýaqytsha ruqsattamany kórsetip, 5 mınýt ishinde kirý kerek.

О́z mártebeńizdi kez kelgen ýaqytta Kaspi.kz qosymshasynda QR-kodty skaner­­leýsiz teksere alasyz. Ol úshin «Mem­le­kettik qyzmetter – Ashyq. Koro­na­vırýs boıynsha statýs» bólimine kirý kerek.

Joba Kaspi.kz jáne «UAT» AQ aqpa­rattyq júıeleriniń yqpaldasýy nátı­jesinde iske qosyldy.

Buǵan deıin Kaspi.kz komandasy Sıfrlyq damý mınıstrligimen birlesip Kaspi.kz sýper-qosymshasynda jeke kásipkerlik ashý jáne avtokólikti qaıta tirkeý jobalaryn sátti júzege asyrdy.