Bul eksperımentke sebepker Aedes aegypti masalarynyń shekten tys kóbeıýi. Olar adamdy shaqsa, denge jáne chıkýngýnıa bezgegin juqtyrady. Der kezinde emdelmese adamdy eseńigertip, qan ketýine ákelýi múmkin.
Tájirıbege arnalǵan jándikterdi Brazılııa, Kaıman araldary, Panama jáne Malaızııa sııaqty elderde osyndaı jobalardy júzege asyrǵan brıtandyq Oxitec kompanııasy usyndy. Eksperımentten keıin bul elderde masa taratýshylarynyń sany 90 paıyzǵa azaıǵan. Modıfıkasııalanǵan masalardyń shyǵýy pestısıdterdi qoldanbaı popýlıasııany baqylaýǵa múmkindik beretinin atap ótken jón.
Mýtant atalyq masalarǵa bolashaq analyqtardyń vırýs tasymaldaýshylarynyń tirshiligin joıatyn gen engizilgen. Bul jergilikti masalardy kóbeıtpeıdi dep kútilýde.
Aıta keteıik, osyndaı máselege baılanysty shtat úkimeti jyl saıyn zııandy jándiktermen kúresý úshin 1 mıllıon dollar (430 mıllıon teńge) bólip, áýe ınsektısıdterin shashyratý sııaqty qymbatqa túsetin jumystar atqaryp kelgen.
