Otyz sportshy elimizdiń baıraǵyn ustap qalanyń bas kóshelerimen júrip ótti. «Almaty Arena» sport keshenine kelip toqtaǵan jastar Ánuranymyzdy shyrqady.
Aıryqsha aksııany megapolıstiń belsendi jastary, sportshylar, eriktiler men oqýshylar qoldady.
Aıta ketsek, mundaı velojarys dástúr boıynsha jyl saıyn ótedi. Osylaısha veloshabandozdar azamattardyń nazaryn elimizdiń memlekettik Rámizderine aýdardy.
Velosherýge Alataý aýdany ákiminiń orynbasary Bektas Sábıtov qatysty. Ol bul is-shara birlik pen salaýatty ómir saltynyń belgisi ispetti ekenin aıtty.
«Jyl saıyn ótetin velojarysty sportshylar men Almaty jastary qoldaıdy. Rasynda, memlekettik Rámizder elimizdiń jeńisi ári jetistikterimen tyǵyz baılanysty. Sondyqtan bizdiń memlekettik Rámizder álemdegi iri sporttyq is-sharalarda erekshe kózge túsedi. Bizdiń otandyq chempıondarymyz olımpıadalar men álemdik jarystarda elimizdiń Týyn maqtanyshpen jelbiretip júr», dedi B. Sábıtov.
