Departament aqparatyna sáıkes, onyń jeke bas málimetteri oqıǵa bolǵan kúnniń erteńinde belgili bolǵan.
43 jastaǵy azamattyń Almaty oblysyndaǵy Psıhıkalyq densaýlyq ortalyǵynda esepte turǵany anyqtaldy.
Kýágerlerdiń aıtýynsha, ol mas kúıde bolǵan. Basynda er adam qoǵamdyq kólikte qatty daýystap án salyp, sol úshin avtobýstan túsirilgen. Keıin kól jaǵasynda ersili-qarsyly júgire bastaǵan.
«Bir mezette sýǵa sekirip, tyıym salynǵan aımaqqa deıin júzip barǵan. Onyń denesin bir táýlikten soń qutqarýshylar izdep tapty. О́zimen birge qujattary bolmaǵan. Jeke basy tańǵa jýyq anyqtaldy», dep málimdedi polıseıler.
Aıta keteıik, er adam birinshi maýsymda qaza boldy. Ol tyıym salynǵan belgilerge qaramastan Saıran kóline shomylýǵa kirip, batyp ketken.
