66 kılo salmaq dárejesinde beldesken ol alǵashqy kezdesýin Eýropa chempıony Adrıan Gambochqa qarsy ótkizdi. Qos myqty uzaq tiresti. Tórt mınýt aralyǵynda birde-bir utymdy ádis jasalmaǵannan keıin báseke qosymsha ýaqytqa ulasty. Osy oraıda, qazaq balýany belsendilik tanytqanyn aıta ketýge tıispiz. Qarsylasy tek ýaqyt sozyp júrip aldy. Nátıjesinde tóreshi Gambochqa úshinshi eskertý berdi.
Eldos ekinshi kezeńde aýstralııalyq Natan Katsty qapy qaldyrsa, úshinshi aınalymda mońǵolııalyq Herlen Gandboldan aılasyn asyrdy. Odan keıin qandasymyz belarýssııalyq Dmıtrıı Mınkovty utyp, jartylaı fınalǵa shyqty.
52 kılo salmaqtaǵy Nursulý Eralıeva Olımpııa oıyndary men álem chempıonatynyń qola júldegeri, Eýropa oıyndarynyń jeńimpazy, qurlyq chempıony belgııalyq Sharlın van Snıkke san soqtyrǵanda erekshe shattanǵan edik. Biraq qazaq balýanynyń odan árige áli jetpedi. Nursulý Mońǵolııanyń dzıýdoshysyna ese jiberdi.
