Qazir myna mamandyqtar boıynsha qatysýshylar oqýǵa kiristi: Kondıter – 15, portnoı tiginshi – 39, naýbaıshy – 8, aspaz – 22, elektromontıor – 5, kran mashınısi – 4, elektrgazdánekerleýshi – 4, slesar-santehnık – 2, shashtaraz – 13, kassır baqylaýshy – 10, tárbıeshi – 8, tárbıeshi kómekshisi – 2, tiginshi – 14 adam jańa kásip úırenip jatyr.
Sondaı-aq, Jumyspen qamtý ortalyǵy jumyssyz azamattardy kelesi mamandyqtar boıynsha qysqa merzimdi oqýǵa qabyldaý júrgizedi. Olar: naýbaıshy – 1 , aspaz – 1, shashtaraz – 3, Elektromontıor – 5, slesar-santehnık – 3. Osy mamandyqtar boıynsha ótinish jazyp, baǵdarlamaǵa qatysýǵa bolady.
Baǵdarlamaǵa qatysýshylar memlekettik qoldaýmen qamtamasyz etiledi, oqý kezeńinde 21 787 teńge mólsherinde shákirtaqy jáne medısınalyq tekserýden ótý úshin materıaldyq kómek tólenedi.Oqý merzimi oqytylatyn mamandyqqa baılanysty 2-3 aı aralyǵyn quraıdy.
«Bıyl jańa kásip meńgerý týraly sheshim qabyldadym. Ol úshin Halyqty jumyspen qamtý ortalyǵynyń qabyldaýyna kelip, «Kran mashınısi» kásiptik kýrsqa joldama aldym. Oqýdy aıaqtaǵannan keıin áleýmettik kelisimshart boıynsha «Invest City» JShS-ǵa jumysqa turamyn», - dedi Qysqa merzimdi kásiptik oqýǵa qatysýshynyń biri Sapargúl Ospanova.
Sondaı-aq, qysqa merzimdi kásiptik oqý baǵdarlamasyna múgedektigi bar azmattar da qatysa alady. Rınat Reımer 3-top múgedegi. Ol qazir kásiptik oqýdy uıymdastyratyn «Qoǵamdyq tamaqtaný jáne servıs kolledjinde» «naýbaıshy» mamandyǵy boıynsha oqýdan ótip jatyr. Oqýyn aıaqtaǵannan keıin «Baljıdek» JShS-ǵa jumysqa ornalasýdy josparlap otyr».
Kásiptik oqytý máseleleri boıynsha qosymsha aqparta alý úshin: +7 775 753 43 91/ 8 (7172) -954424, 954416 nómirlerine habarlasyp bilýge bolady.
