Jyljymaıtyn múlikti tirkeý jeńildetiledi

«Norma shyǵarmashylyqty je­tildirý boıynsha sharalar qa­byldandy. Tıis­ti Zańǵa bıylǵy 12 naýryzda qol qoıyl­dy. Zań shyǵarý prosesine jańa kezeń­derdi engizý, zań jobalarynyń sapasyn qamtamasyz etý jáne zań shyǵarý prosesine jurtshylyqty keńinen tartý kózdeledi», dedi M.Beketaev. Onyń aıtýynsha, ulttyq zańnamanyń negizgi salalaryn je­tildirý aıasynda mınıstrlik memlekettik organdarmen jáne otan­dyq ǵalymdarmen birlesip, 2030 jylǵa deıingi quqyqtyq saıa­sat tujyrymdamasynyń jobasy ázirlegen.

«Tujyrymdama ulttyq qu­qyq­ty, quqyq qorǵaý jáne sot jú­ıe­sin, syrtqy saıası já­ne syrt­qy eko­no­mıkalyq qyz­met­ti, sondaı-aq quqyq­tyq bi­lim men quqyqtyq nasıhat­ty da­my­­týdyń basym baǵyttaryn aıqyndaıdy. Qu­qyq­tyq júıeni jetil­dirý jónindegi osy sharalar Qa­zaqstannyń odan ári or­nyq­ty damýynyń qajetti quqyqtyq alǵy­­sharttaryn qalaıdy dep pa­ıymdaımyz», dedi mınıstr.

Odan bólek, jyljymaıtyn mú­liktiń kepilin tirkeý mer­zimi 1 jumys kúnine deıin qysqar­ty­la­tyny málim boldy.

«Jyl­jymaıtyn múlik kepilin elek­tron­­dy­ tirkeý engizildi. Endi bank­­ter men­shik ıesimen kepil shartyn ja­sas­qan­nan keıin ony elektron­dy­ tirkeýge ji­bere alady, bul aza­mattardyń Halyqqa qyz­met kór­setý ortalyqtaryna júginýin toq­­tatady. Kepildi tir­keý mer­zimi 3 ju­mys kú­ninen 1 jumys kúnine deıin qys­qar­tyl­dy», dep habarlady vedomstvo basshysy.

Mınıstr atap ótkendeı, sonymen bir­­­ge jyljymaıtyn mú­liktiń biryńǵaı mem­lekettik ka­dastryn qurý jumystary júr­gizilýde. Bul júıeni qoldaný aza­­­­mat­tarǵa bir ótinish negizinde jer ýchas­kesine quqyqty tirkeýge múm­kindik be­redi. Osy­laısha, qyz­­­metterdi kórsetý mer­zim­deri jáne sáı­kesinshe azamattardyń qar­­­jy­lyq shyǵyndary azaıady.

Mınıstrdiń aıtýynsha, Nur Otan par­tııasynyń saılaýaldy baǵdarlamasyn iske asyrý maq­satynda memleket kepildik ber­gen zań kómegin 2024 jylǵa deıin 2 ese­ge ulǵaıtý máselesi pysyq­ta­lýda.

«Memleket kepildik bergen zań kómegin kórsetý sapasyn arttyrý maqsatynda bıylǵy jyldyń naýryz aıynan bastap, respýblıka boıynsha «E-zań kómegi» Aqparattyq júıesi qanatqaqty rejimde engizildi. Búgingi tańda tergeý organdary memleket ke­pildik bergen zań kómegi aıasynda 1042 advokatty taǵaıyndady», dedi Marat Beketaev.

Jobany iske asyrý advokat­tardy ta­ǵaıyndaý jáne olardyń eńbegin tóleý pro­sesiniń ashyq­tyǵyn qamtamasyz etedi.

2020 jyly sot aktilerin oryn­daýdyń tıimdiligin artty-
rýǵa ba­ǵyttalǵan «At­qa­­rý­shylyq is júrgizý tý­raly» Zańǵa tú­ze­tý­ler qa­byl­­­dandy. Qoldanystaǵy zań­na­ma­ny buzǵany úshin jeke sot oryn­­­­­daýshylarynyń jaýap­ker­shiligi qa­tań­datyl­dy, bir mez­gilde ýáki­let­ti jáne qada­ǵa­laý organdarynyń, sondaı-aq Jeke sot oryndaýshylarynyń res­pýblıkalyq palatasynyń óki­lettikteri kúsheıtilip, keńeıtildi.

«Qabyldanǵan zańnamalyq sharalar naqty oryndalǵan qu­jat­tar sanynyń 45% artýyna yq­pal etti», dedi Ádilet mınıstri.

Vedomstvo basshysynyń aıtýyn­sha, birneshe jyl boıy júr­­gizilip jatqan dáıekti refor­ma jáne atqarýshylyq is júr­gi­zý­diń elektrondy formatqa kó­­­shýi óziniń qabilettiligin kór­set­ti. El­degi tótenshe jaǵdaı ke­­­ze­ńinde atqarý­shylyq is júr­gizý organdarynyń avto­mat-
tan­­­dy­rylǵan aqparattyq júıesi máj­­­búrlep oryndaý sharalaryn úz­dik­­siz qabyldaýǵa jaǵdaı jasady.

«Halyqqa atqarýshylyq is júrgizý taraptarynyń kabıneti arqyly atqa­rýshylyq qujattardy onlaın rejimde berý múmkindigi berildi», dedi Marat Beketaev. Al 2021 jylǵy mamyrdan bastap jergilikti memlekettik basqa­rý organdarynyń normatıvtik qu­qyqtyq aktilerin memlekettik tirkeýdi Ádilet mınıstrligi or­talyqtandyrylǵan for­matta júzege asyratyn boldy. Nor­ma­tıvtik quqyqtyq aktilerdi tir­keýdiń or­talyqtandyrylǵan rá­simine kóshý biryńǵaı quqyq qoldaný praktıkasyn jáne óńir­lik norma shyǵarmashylyǵy sa­la­syndaǵy máselelerdi ýaqty­ly ózek­tilendirýdi qamtamasyz etedi. Buryn bul rásimdi Ádilet mınıstrliginiń aýmaq­tyq bólim­sheleri júzege asyrǵan.

Ádilet mınıstrliginiń aqpa­raty bo­ıynsha aýmaqtyq ádilet organdarynyń shtat sany ońtaı­landyryldy. Únemdeý shamamen 250 mln teńgeni quraıdy.

Buǵan deıin Ádilet mı­nıs­tr­ligi Nur-Sultan qalasy men Qa­raǵa­ndy obly­synyń jergilikti mem­lekettik or­gan­darynyń nor­ma­tıvtik quqyqtyq akti­lerin mem­­lekettik tirkeýdi júzege asyrý boıynsha qanatqaqty jobany sátti iske asyrdy, bul oń nátıje men jergilikti mem­lekettik organ­dardyń normatıvtik quqyqtyq ak­tilerin memlekettik tirkeý­diń ortalyqtandyrylǵan formatyn engizý­diń oryndylyǵyn kórsetkendigin aıta ket­ken jón.