Sınoptıkterdiń boljaýynsha, 8 maýsymda elimizdiń basym bóliginde ońtústikten kelgen sıklonǵa baılanysty atmosferalyq aǵyndardyń áserinen naızaǵaıly jańbyr nemese keı jerlerde burshaq jaýýy múmkin. Respýblıkanyń keı jerlerinde jel kúsheıip, ońtústikte shańdy daýyl soǵady, soltústikte tuman túsýi yqtımal.
Atyraý, Batys Qazaqstan, Qaraǵandy, Soltústik Qazaqstan, Almaty oblystarynda, kúndiz Aqmola oblysynyń keı jerlerinde jel 15-20 m/s kúsheıip, burshaq jaýýy múmkin, Batys Qazaqstan oblysynda daýyl jel soǵady, Soltústik Qazaqstan oblysynda túnde jáne tańerteń tuman túsýi yqtımal.
Jambyl, Túrkistan oblysynyń keı jerlerinde naızaǵaı oınap, daýyl, shańdy daýyl soǵady, jel 15-20 m/s kúsheıip, kúndiz ekpini 25 m/s jetedi. Qyzylorda oblysynyń keı jerlerinde jel 15-20 m/s kúsheıip, ekpini 23-28 m/s jetedi, Túrkistan oblysynda daýyl, shańdy daýyl soǵýy múmkin.
Mańǵystaý, Aqtóbe, Shyǵys Qazaqstan oblystarynda, kúndiz Qyzylorda, Qostanaı, Pavlodar oblystarynyń keı jerlerinde jel 15-20 m/s kúsheıedi, Qyzylorda oblysynda shańdy daýyl soǵýy múmkin.
Kúndiz Jambyl oblysynyń basym bóliginde qatty ystyq bolady.
Qyzylorda, Jambyl, Túrkistan, Aqtóbe, Qaraǵandy oblystarynyń basym bóliginde, Almaty, Atyraý, Qostanaı, Aqmola oblystarynyń keı jerlerinde, Pavlodar, Shyǵys Qazaqstan oblysynyń jekelegen aýdandarynda óte joǵary órt qaýpi saqtalady.
