Talaı dúbirli dodada jeńis tuǵyryna kóterilip, Rıo Olımpıadasynda óner kórsetken 73 kılo salmaqtaǵy Jansaı Smaǵulov tusaýkeser kezdesýinde meksıkalyq Gılberto Kardosany qapy qaldyrǵanymen, kelesi básekede reseılik Mahamadbek Mahmadbekovke ese jiberdi.
Sol sekildi Ańsarbek Ǵaınýllın de ekinshi kezeńinen asa almady. Alǵashynda chernogorııalyq Marko Gýsıchten aılasyn asyrǵanymen, ile-shala bolgarııalyq Marko Hrıstovtan jeńildi.
57 kılo salmaqtaǵy Sevara Nyshanbaeva birinshi kezeńde OAR ókili Donne Breıtenbahtan basym tústi. Alaıda ekinshi aınalymda ol germanııalyq Terresa Stolǵa jol berdi.
