Qazaqstandyq mergender 26 shilde men 6 tamyz aralyǵynda Tokıo qalasynda (Japonııa) ótetin XXXII jazǵy Olımpıada oıyndaryna qatysýǵa 3 olımpıadalyq kvotany jeńip aldy. Úsh kvota da Shymkenttiń úlesine tıdi.
⠀
Birinshi olımpıada lısenzııasyn stend atýdan QR halyqaralyq dárejedegi sport sheberi Sársenkúl Rysbekova jeńip aldy. Ol 2019 jyly XIV Azııa chempıonatynda (Katar) komandalyq esepte altyn medaldi ıelendi, jeke esepte 2-orynǵa qol jetkizdi.
⠀
Ekinshi olımpıadalyq lısenzııany oq atýdan QR halyqaralyq dárejedegi sport sheberi Iýrıı Iýrkov aldy. Lısenzııalyq XIV Azııa chempıonatynda (Katar) fınalǵa túsip, fınalda Iýrıı 6-orynǵa ıe bolǵan. Qorytynysynda lısenzııasy joq sportshylardy aınalyp ótip, olımpıadalyq lısenzııaǵa qol jetkizdi.
⠀
Úshinshi olımpıadalyq lısenzııa Zoıa Kravchenkoǵa tıesili. Sportshy stend atý boıynsha QR halyqaralyq dárejedegi sport sheberi bolyp tabylady. Zoıa olımpıadalyq lısenzııany reıtıngtik esepte jeńip aldy. Bir jyl ishinde sportshy eń joǵary nátıje kórsetken. Halyqaralyq sporttyq atý federasııasynyń (ISSF) sheshimimen Zoıa Kravchenkoǵa Olımpıada oıyndaryna qatysýǵa kvota bólindi.
⠀
Jalpy Shymkent qalasynyń qorjynynda 6 olımpıadalyq lısenzııa bar, onyń 3-eýi mergender úlesinde bolyp otyr.
