Mamyr aıynyń basynda polısııaǵa birneshe azamat qarjy mekemeleriniń birindegi shottarynan aqshanyń bir bóligi joǵalyp ketkendigi týraly aryzdanǵan. Polısııa qyzmetkerleri tergeý áreketterin júrgizý barysynda qarjy mekemesiniń 21 jastaǵy operatoryn anyqtap, ustady. Kúdikti úsh aı boıy tórt salymshynyń shottarynan qolma-qol aqsha jymqyrǵan.
Salymshylar aqshanyń joǵalǵanyn baıqamaýy úshin kúdikti aqshany 30 myń teńgeden bólip-bólip sheship alǵan. Jalpy alǵanda, kúdikti jábirlenýshilerdiń shotynan 1 mln 300 myń teńge kóleminde aqshany ıemdengen. Urlanǵan aqshany jigit býkmekerlik keńselerdegi qumar oıynǵa tikken. Barlyq faktiler negizinde QR QK 188-baby 3-bóligi (Urlyq) boıynsha sotqa deıingi tergeý júrgizilýde.
Polıseıler bank kartalarynan aqsha qarajatyn urlaý sanynyń ósýin azamattardyń qarapaıym qaýipsizdik erejelerin saqtamaýymen baılanystyrady. Sonymen qatar qylmyskerler únemi óz daǵdylaryn jetildirip, urlyqtyń jańa shemalaryn jasaıdy.
