Álem • 08 Maýsym, 2021

Atambaevtyń jaǵdaıy aýyr ekeni aıtyldy

330 ret

kórsetildi

1 mın

oqý úshin

Qyrǵyzstannyń burynǵy prezıdenti Almazbek Atambaevty shuǵyl aýrýhanaǵa jatqyzý kerek. Bul týraly onyń advokaty Zamır Jooshev málimdedi, dep habarlaıdy Egemen.kz.

Gaýhar QAPASh

Onyń aıtýynsha, qorǵalýshysynda ınfarkt bolýy múmkin, burynǵy aýrýlary da asqynyp ketken. Atap aıtqanda, arqadaǵy aýyrsyný kúsheıe tústi. Alaıda bir aı buryn taǵaıyndaǵan sot-medısınalyq saraptama áli aıaqtalǵan joq.

Advokattyń sózinshe, 148 paraq medısınalyq tarıhynyń kóshirmesi sýdıalarǵa berilgen. Ol saraptama taǵaıyndalǵanyn atap ótti.

«Almazbek Atambaev keshendi emdeýdi qajet etedi. Ol ony kolonııa jaǵdaıynda ala almaıdy. Biz ony aýrýhanaǵa jatqyzý úshin sanksııany úıqamaqqa ózgertýge birneshe ret ótinish jazǵanbyz. Biraq kelisim bermeı jatyr», dedi Zamır Jooshev.

Eske salaıyq, Almazbek Atambaevqa qatysty birneshe qylmystyq is qozǵaldy, onyń ishinde 2019 jylǵy 7-8 tamyzda bolǵan Qoı-Tash aýylyndaǵy tártipsizdikter, sybaılas jemqorlyq derekteri jáne qylmystyq kiristerdi zańdastyrý isteri bar. Qańtarda Qyrǵyzstannyń eks-prezıdenti tergeý ızolıatorynan kolonııaǵa aýystyryldy.