Mınıstrdiń sózi men kórsetilgen beınematerıaldar oppozısııalyq depýtattardyń narazylyǵyn týdyrdy, olar sheneýnikpen kelispeıtini týraly aıǵaılady. Mınıstrdi «Sosıalızmge qozǵalys» (MAS) ókilderi qoldap shyqty.
Creemos «Senemiz» alıansynyń senatory Enrı Montero men MAS-tiń depýtaty Antonıo Kolkeniń arasyndaǵy urys tóbeleske ulasty. Olardy birneshe adam arashalaýǵa tyrysady. Alaıda ekeýin arashalap jatqandar arasynda da tóbeles bastalady: áıel depýtattar Tatıana Anes pen Marııa Alanoka bir-biriniń shashynan ustap, ózara qarsylyq tanytady.
Dereý parlament sessııasy toqtatylyp, Montero men Kolke keıinirek jýrnalısterden keshirim surady. Al IIM basshysy qysqa úzilisten keıin baıandamasyn aıaqtady.
Aıta keteıik, Bolıvııanyń oppozısııa ókilderi 2019 jylǵy 20 qazandaǵy prezıdenttik saılaýda jappaı buzýshylyqtar bolǵanyn málimdegennen keıin, prezıdent Evo Morales áskerı qysymnan jáne eldegi narazylyqtar kezinde laýazymyn bosatyp, elden ketip qalǵan. Onyń artynan Bolıvııanyń barlyq joǵarǵy basshylyǵy otstavkaǵa ketti.
Bılik Senattyń oppozısııalyq vıse-spıkeri Janın Aneske ótti. 2020 jylǵy jańa prezıdenttik saılaýda Moralestiń jaqtaýshysy bolǵan sosıalıst Lýıs Arse jeńiske jetti. Aneske qatysty memlekettik tóńkeris týraly tergeý isi aıasynda terrorızm, kóteriliske arandatýshylyq jáne qastandyq jasady degen aıyp taǵyldy.
