Sala basshysynyń aıtýynsha, 2020 jyldyń qorytyndysy boıynsha iri qara sany 7,8 mln basqa jetken. Bul 2019 jylmen salystyrǵanda bul kórsetkish 5,6%-ǵa artyq. Qoı men eshki basy 4,7%-ǵa, jylqy 10,1%-ǵa, túıe 5,2%-ǵa ósken.
Soǵan sáıkes, mal sharýashylyǵy ónimderiniń óndirisi de artqan. Et 4,3%-ǵa jáne sút óndirisi 3,2%-ǵa ósken.
«О́tken jyly mal sharýashylyǵy ónimderi ımportyn almastyrý aıasynda elimizde 48 taýarly-sút fermasy iske qosyldy. Bul sút zaýyttarynyń júktemesin 77%-ǵa deıin arttyrýǵa, al sút óńdeý kólemin 1,8 mln tonnaǵa jetkizýge múmkindik berdi.
Sondaı-aq 3 et kombınaty iske qosyldy. Osynyń arqasynda et óńdeý kólemin 151-den 166 myń tonnaǵa deıin ulǵaıtýǵa múmkindik týdy.
Buǵan qosymsha 8 qus fabrıkasy iske qosyldy. Nátıjesinde uıymdastyrylǵan sharýashylyqtarda qus etin óndirý kólemi ótken jyly 222,7-den 235,3 myń tonnaǵa deıin ulǵaıdy», dep habarlady S.Omarov.
