Túrksib aýdanynyń ákimdigi bul isti odan ári jalǵasatyratyn bolady. Mobıldi egý pýnktteri turǵyndar kóp keletin jáne halyq tyǵyz ornalasqan jerlerde jumys isteıdi.
B.Maılın kóshesindegi «Lazýrnyı bereg» TK turǵyndaryna úıdiń janynda koronavırýsqa qarsy vaksına alý múmkindigi týdy. Búgin alǵashqy bes adam vaksına saldyrdy.
Mobıldi pýnkttegi vaksına salý stasıonardaǵydaı. Naýqastar mindetti túrde dárigerge deıin tirkeýden ótedi, sodan keıin dáriger tekseredi. Sodan soń ekpe salynady, vaksına alǵan adam 30 mınýt mamandardyń baqylaýynda bolady.
9 maýsymda jyljymaly egý pýnktinde «Jas Qanat» emhanasynyń medısına qyzmetkerleri kezekshilik etedi.
Túrksib aýdanynda 15 jerde 25 egý pýnkti ornalasqan. Onda quramynda 159 medısına qyzmetkeri bar 32 medısınalyq brıgada jumys isteıdi.
Almaty qalasynyń Qoǵamdyq densaýlyq basqarmasy 8 maýsymdaǵy jaǵdaı boıynsha qalada 321 500 adam vaksına aldy dep habarlady. Almatyda medısınalyq uıymdarda, mektepterde, mádenıet, sport nysandarynda, bazarlar men qalanyń SOSO-da 211 egý pýnkti jumys isteıdi (250-ge deıin ulǵaıtý múmkindigimen). 1 257 adamnan 304 ekpe brıgadalary bar.
Sondaı-aq qalada 54 kóshpeli egý brıgadasy jumys isteıdi. Olardyń altaýy – Almaly, beseýi – Alataý, tórteýi – Bostandyq, úsheýi – Jetisý aýdanynda, ony – Áýezov pen Medeý aýdandarynda, segizi – Naýryzbaı men Túrksib aýdandarynda.
