BQO polısııa departamentiniń baspasóz qyzmetinen túsken málimetke qaraǵanda, oqıǵa 9 maýsym kúni shamamen saǵat 19.45-te Oral-Aqsaı jolynyń 25-shaqyrymynda bolǵan. Kúre jolda 28 jastaǵy júrgizýshi «VAZ-2110» avtokóliginiń rýline ıe bola almaı, aýdarylyp qaldy.
Jol apaty saldarynan oblystyq patrýldik polısııa batalonynyń 28 jastaǵy qyzmetkeri aýrýhanada kóz jumdy. Onyń qasynda bolǵan eki jolaýshy zardap shekken joq.
Atalǵan oqıǵa boıynsha QR QK 345-baby 3-bóligine sáıkes qylmystyq is qozǵalyp, sotqa deıingi tergeý amaldary júrgizilýde. Tıisti saraptamalar taǵaıyndaldy.
BQO polısııa departamentiniń basshylyǵy men jeke quramy marqumnyń týma-týysqandaryna qaıǵysyna ortaqtasyp kóńil aıtady.
