Jabyq bazar barlyq azyq-túlik taýarlary kóterme baǵamen satylatyn eń iri saýda ornyna aınalmaq.
Dıqandar munda óz ónimin sata alady. Ol úshin barlyq jaǵdaı jasalatyn bolady. Oblys ákimi qaladaǵy jańa ǵımarattardyń aınalasyn abattandyrý men kógaldandyrý jumystaryn baqylady.
Ortalyq stadıonnyń aınalasyn abattandyrý jumystarymen tanysqan oblys ákimi merdigerlerge birqatar eskerý aıtty. Jumysty shıratyp, kestege sáıkes merziminde aıaqtaýdy mindettedi. Iаssy kóshesi boıyndaǵy jelilik saıabaq pen denrobaqta bolyp, merdigerlermen kezdesti. «Túrkistan qalalyq saıabaqtyń» jalpy aýdany 28 gektarǵa jýyq. Dendrobaq aýmaǵynda 12 myńnan astam aǵash otyrǵyzylyp, 2360 sh.m. aýmaǵyna gúlder, 20 myńnan astam sh.m. aýmaǵyna kógaldandyrý jumystary josparlanǵan.
Búgingi tańda alýan túrli aǵashtar egilip, asfalt, aıaq jol tóselgen. Oryndyqtar men qoqys jáshikteri ornatylǵan. Jaryqshamdar qoıylyp, gazon men sýarý júıesi júrgizilgen.
Dendrobaq aýmaǵynan syıymdylyǵy 200 myń tekshe metrden asatyn sý aıdynynyń qurylysy júrýde. Jasandy kól 4,5 gektar aýmaqqa jaıǵasady. Sý aıdyny Bógen sý qoımasynan keletin Arys – Túrkistan kanaly arqyly qamtamasyz etiledi.
