Mártebeli meımannyń qurmetine qurmetti qaraýyl sap túzep, eki eldiń memlekettik ánurany shyrqaldy.
Sodan keıin prezıdentter resmı delegasııalardyń múshelerin bir-birimen tanystyrdy. Qurmetti qaraýyl eki memleket basshylarynyń aldynda júrip ótti.
Saltanatty rásimniń sońynda Shavkat Mırzııoev pen Emomalı Rahmonnyń jeke kezdesýi bastaldy, onyń barysynda kóshbasshylar ózbek-tájik strategııalyq seriktestigi men san qyrly ózara is-qımyldyń barlyq spektrin egjeı-tegjeıli qarastyryp, syndarly saıası baılanysty odan ári tereńdetýge erekshe nazar aýdardy. Áńgime kezinde saýda-ekonomıkalyq jáne ınvestısııalyq yntymaqtastyqty nyǵaıtý, mádenı-gýmanıtarlyq almasýdy keńeıtý taqyryptary sóz boldy.
Ortalyq Azııadaǵy qaýipsizdikti, turaqtylyqty jáne turaqty damýdy qamtamasyz etý, sondaı-aq halyqaralyq jáne aımaqtyq qurylymdar sheńberindegi ózara is-qımyl máseleleri boıynsha pikir almasý ótti.
Shavkat Mırzııoev shaqyrǵanyna jáne jyly shyraıda qarsy alǵany úshin áriptesine rızashylyǵyn bildirip, búginde ózbek-tájik qatynastary buryn-sońdy bolmaǵan joǵary deńgeıge kóterilgenin atap ótti.
Tájikstan Prezıdenti Emomalı Rahmon da bul sapardyń mańyzy zor ekenin tilge tıek etti.
Aıta keteıik, Mırzııoev Emomalı Rahmondy О́zbekstanǵa shaqyrdy.
